Sigríður Margrét ráðin framkvæmdastjóri Skjá miðla

Skjár miðlar heitir nýtt félag sem Skipti hf, móðurfélag Símans, hefur stofnað. Undir Skjá miðla heyra Já og Skjárinn. Sigríður Margrét Oddsdóttir hefur verið ráðinn framkvæmdastjóri félagsins en Björn Þórir Sigurðsson sjónvarpsstjóri.

Fyrirtækið Já hefur séð um rekstur þjónustunúmeranna 118, 1818 og 1811 og annast útgáfu símaskrárinnar. Þá hefur fyrirtækið séð um rekstur Já.is og Gulu síðanna. Skjárinn hefur hins vegar séð um rekstur Skjás eins, leigu á myndböndum heima í stofu og aðgengi að alþjóðlegum sjónvarpsstöðvum undir merkjunum SkjárBíó og SkjárHeimur, að því er fram kemur í fréttatilkynningu.

Sigríður gegndi áður framkvæmdastjórastöðu Já en Björn Þórir var dagskrárstjóri Skjás eins.