Innlent

Eldri hjón urðu fyrir gaseitrun

Jónas Haraldsson skrifar

Eldri hjón voru flutt með þyrlu Landhelgisgæslunnar á Landspítalann í Fossvogi um klukkan tvö í dag eftir að þau fundust meðvitundarlaus í hjólhýsi á Barðaströnd í morgun. Grunur leikur á að þau hafi orðið fyrir gaseitrun.

Að sögn vakthafandi læknis á spítalanum eru hjónin mikið slösuð og veik eftir eitrunina og var annað þeirra nú rétt fyrir fréttir flutt á gjörgæsludeild spítalans. Læknirinn segir að þrátt fyrir þetta sé líðan hjónanna stöðug.

Talið er að gas hafi lekið úr gaskúti í hjólhýsinu og beinist rannsókn lögreglu helst að því.

Innlent

Mest lesið


Fleiri fréttir

Sjá meira


×

Mest lesið