Skíðasvæði opin um land allt

Skíðasvæði um allt land eru opin í dag. Í Bláfjöllum er opið í Kóngsgili og á heimatorfunni við Bláfjallaskála í dag frá kl. 10 til 18. Léttskýjað er og sex gráðu frost. Í Hlíðarfjalli á Akureyri verður opið frá níu til fimm í dag. Þar er hægur vindur og sjö gráðu frost.

Skíðasvæðið á Ísafirði verður opið frá tíu til fimm í dag. Unnið harðfeni er í brekkum og veður er gott. Á Siglufirði verður opið frá 10 til 19 í dag og eru allar lyftur í gangi. Unnið harðfeni er í brekkum og nægur snjór. Þar er þriggja stiga frost.

Hægt er að fá upplýsingar um fleiri skíðasvæði á heimasíðunni http://www.skidasvaedi.is/