Íslendingar fara yngstir í klámið

Börn og unglingar á Norðurlöndunum eru stórfelldir klámneytendur og íslensk börn byrja langfyrst að skoða það. Samnorræn könnun náði til ungmenna á aldrinum 12-20 ára og þriðjungur þeirra skoðar klám nánast á hverjum einasta degi. Könnunin var gerð á vegum samtakanna NIKK sem er "Nordisk institut for kvinde- og könsforskning." Drengir skoða klám meira en stúlkur. Þeir eru oftast einir og helsti tilgangur þeirra að fróa sér. Stúlkur skoða aðallega klám vegna þess að þær eru forvitnar, eða bara sér til gamans.

Bæði drengjum og stúlkum finnst klámleikarar ómerkilegir eða hlægilegir hlægilegir, en skoða samt. Bæði kynin vilja helst hefðbundið gróft klám sem felur í sér samfarir manns og konu, endaþarmsmök, munnmök og hópkynlíf.

Könnunin sýnir að ungt fólk kynnist klámi fyrr en áður. Flestir byrja að skoða það á aldrinum 12-14 ára, en á Íslandi 11,7 ára. Til samanburðar kynnast dönsk börn klámi fyrst þegar þau eru 16,8 ára. Aðgangur að klámi er orðinn auðveldur, sérstaklega á netinu. Almennt séð er klám komið í vanahorf á Norðurlöndum, þannig að það er orðið eðlilegt að skoða klám.