Del Piero með þrennu í stórsigri Juventus

Gamla brýnið Alessandro del Piero var í miklu stuði hjá Juventus í ítölsku B-deildinni í dag þegar liðið vann 5-0 stórsigur á Crotone. Juventus er nú komið með þriggja stiga forskot á toppi deildarinnar þó tekið sé mið af þeim níu stigum sem dregin voru af liðinu í upphafi leiktíðar vegna spillingarmálsins á Ítalíu.

Pavel Nedved og Federico Balzaretti voru einnig á skotskónum hjá Juventus í dag, en liðið hefur nú 43 stig á toppi deildarinnar. Mantova er í öðru sæti með 40 stig eftir 4-0 sigur á Lecce í dag og Napoli er í þriðja sætinu með 40 stig og getur komist upp að hlið Juve með sigri á Arezzo á morgun.