Messa á Íslandi til minningar um Pavarotti

Sungin verður sérstök sálumessa til minningar um stórsöngvarann Luciano Pavarotti í Landakotskirkju næstakomandi mánudag. Fyrir messu flytja Sigrún Hjálmtýsdóttir, Pamela De Sensi, Jóhann Friðgeir Valdimarsson og Leone Tinganelli lög úr ítölskum óperum.

Þeir sem vilja votta Pavarotti virðingu sína geta ritað nafn sitt í sérstaka minningabók sem mun liggja fram í Landakotskrikju við athöfnina. Einnig verður hægt að rita í bókina á Aðalræðisskrifstofu Ítalíu að Laugavegi 71.

Messan á mánudaginn hefst klukkan 18 en tónlistarflutningur hefst hálftíma fyrir messu.