Kveikjum einu kerti á

Aðventukransa má nota ár eftir ár.

Ekki er ýkja langt síðan Íslendingar fóru að búa til aðventukransa á jólaföstunni.

Fléttaðir kransar með fjórum kertum sáust fyrst á jólamörkuðum í Þýskalandi snemma á 19. öld. Um aldamótin 1900 barst siðurinn til Danmerkur og þaðan um öll Norðurlöndin. Á Íslandi munu aðventukransar fyrst hafa sést á fjórða áratugnum en þeir urðu ekki algengir fyrr en eftir 1960.

Margir flétta sína eigin kransa og búa til nýjan á hverju ári. Fyrir þá sem ekki kæra sig um of mikið föndur er gaman að eiga krans sem nota má aftur og aftur.