Gæti útrýmt flassinu

Talsmenn Kodak, sem er stærsti filmuframleiðandi í heimi, segja að félagið sé búið að hanna nýja tækni fyrir stafrænar myndavélar sem geri flass nánast óþarft.

Félagið er nú á seinasta ári umfangsmikilla breytinga yfir í stafrænt ljósmyndafélag vegna samdráttar í filmuiðnaðnum.

Þessi nýja tækni byggir á nemum sem eru mun ljósnæmari en áður hefur þekkst. Talmenn Kodak segja að núverandi nemar séu nær allir byggðir á gamalli tækni Kodak frá árinu 1976. Nýja tæknin sé því stórt skref fram á við.

Það er fréttavefur Reuters sem segir frá þessu.