Peningaskápurinn

Gjöld á reikiEvrópuþingið hefur samþykkt tillögur um reglur sem koma til með að lækka verð á alþjóðlegu reiki innan Evrópu. Reikigjöld eru gjöld sem símafyrirtæki innheimta fyrir tengingar milli landa, en kostnaður við símtöl í farsíma milli landa hefur hingað til verið hár og oft erfitt fyrir neytendur að fylgjast með verðlagningu. Póst- og fjarskiptastofnun (PFS) hér heima greinir frá því að í tillögunum sem nú hafi verið samþykktar sé gert ráð fyrir verðlagshömlum á smásöluverð fyrir farsímareiki. Taka á gildi verðþak á símtöl sem framkvæmd eru úr síma í reiki mun sjálfkrafa taka gildi í lok 2 mánaða aðlögunarferlis. Kálið næstum sopið

Áður en reglurnar taka gildi þarf að leggja þær fyrir framkvæmdastjórn Evrópusambandsins og ríkisstjórnir landanna innan sambandsins, en PFS segir þó neytendur hér munu finna fyrir áhrifum tilskipunarinnar í símtölum milli landa innan Evrópusambandsins strax í sumar. Tilskipunin verður hins vegar ekki innleidd hér á landi að fullu fyrr en hún hefur farið fyrir sameiginlegu EES nefndina og verið birt í Stjórnartíðindum.

Fjarskiptafyrirtæki hafa sum hver sett sig upp á móti reglunum og kallað samkeppnishamlandi, en PFS bendir á að þeim sé eftir sem áður heimilt að keppa með því að bjóða viðskiptavinum sínum verð undir verðþakinu.