Viðskipti innlent

Frumkvöðlastarf á Norðurlandi vestra

Útskriftarhópurinn af námskeiðinu sóknarbraut sem Impra nýsköpunarmiðstöð gekkst nýverið fyrir á Skagaströnd og Blönduósi.
Útskriftarhópurinn af námskeiðinu sóknarbraut sem Impra nýsköpunarmiðstöð gekkst nýverið fyrir á Skagaströnd og Blönduósi.

Nýverið lauk námskeiðinu Sóknarbraut sem Impra nýsköpunarmiðstöð gekkst fyrir á Skagaströnd og Blönduósi. Sóknarbraut er hagnýtt námskeið um stofnun og rekstur fyrirtækja þar sem þátttakendur vinna með eigin hugmyndir eða fyrirtæki. Alls tóku ellefu frumkvöðlar frá Norðurlandi vestra þátt í námskeiðinu.

Í fréttatilkynningu frá Impru segir að viðskiptahugmyndir þátttakendanna hafi verið af fjölbreyttum toga. Meðal þeirra eru verkefni á sviði matvælaframleiðslu, smíði og iðnframleiðslu auk margs konar þjónustu.

Þátttakendur reka sumir hverjir nú þegar fyrirtæki. Aðrir skoðuðu ný tækifæri til atvinnusköpunar í sinni heimabyggð. Fram komu margar áhugaverðar viðskiptahugmyndir. Sérstaka viðurkenningu hlaut Oddný María Gunnarsdóttir fyrir áhugaverða og efnilega hugmynd sem tengist matvælavinnslu.

Birtist í Fréttablaðinu Héðan og þaðan


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið