Billjónsdagbók 28.2 Jón Örn Marinósson skrifar 28. febrúar 2007 00:01 ICEX 7.432, þegar ég fór í sturtu, og Nasdaq 2.454 þegar ég skrúfaði fyrir. Var lengi að laga kaffi. Kann ekkert á sjálfvirkar kaffivélar. Hvaða sjálfvirkni er það eiginlega þar sem ekkert virkar af sjálfu sér. Ég veit hvað er raunveruleg sjálfvirkni. Ég er til dæmis fullur af sjálfvirkni. Þess vegna er ég sökksessfúll fjárfestir og alltaf glaður í bragði. Ég er sjálfvirkur eins og markaðurinn. Sjálfvirkur eins og Geir Haarde þegar Viðskiptaráð ýtir á skattalækkunartakkann á honum. Ég þarf ekki sérstaklega að taka ákvörðun um eitt eða neitt. Ég fer bara eftir innstinkti og sjálfsbjargarhvöt. Græði þannig sjálfvirkt nánast. Það er mikil guðsgjöf að búa yfir frumkvæði, glöggu auga fyrir skattalagaglufum og óútskýranlegu viðskiptaviti sem engin lög ná yfir og ekki einu sinni nafnlaus bréf. Stebbi einkadræver ók mér á stjórnarfund í Stinningu ehf. á Hótel Sögu kl. 11.00. Algjör mannauður, hann Stebbi, miklu verðmætari en einkadræverar sem ég nota úti í London og kostar miklu minna en þeir. Það er kosturinn við venjulega Íslendinga að þeir hafa lagað sig að víxlverkun launa og verðlags. Þeir eru hæstánægðir með nokkra tíkalla, prumpa á alla ginistuðla og taka bara lán hjá okkur í bönkunum ef þá langar til að veita sér eitthvað. Lettar og Pólverjar kosta minna í beinhörðum peningum og það er hægt að láta þá sofa í gámum en þeir taka aldrei nein lán í bankanum hjá mér svo að á endanum er meira fyrir mig hafa upp úr Íslendingum eins og Stebba. Formaður bændasamtakanna stöðvaði okkur stjórnarmenn í anddyrinu á Sögu og vildi fá að vita hvaða starfsemi væri stunduð í fyrirtæki sem héti Stinning ehf. Nafnið gæfi ástæðu til að ætla að við stæðumst ekki nýsamþykktar siðferðiskröfur íslenskra bænda. Við fengum inngöngu eftir að ég hafði útskýrt að nafnið Stinning vísar til þess að fyrirtækið framleiðir hraðsteypu. Gísli í Senathor kjötvinnslu hf. fékk þá snjöllu viðskiptahugmynd í dag að hann væri skyldur Thorsurunum. Hann keypti forskalaðan timburkofa, sem amma hans átti við Meðalveg, fyrir 450 millur. Hann ætlar að koma þar upp safni um sjálfan sig og Elton John. Safnið verður opið fólki sem hefur verið almenningur í meira en fimm ár. Félagsmálaráðuneytið hefur notað kofann fyrir opinberanir og kynferðisofbeldi. Mál að koma sér í rúmið. Muna að þakka Moody fyrir lánhæfismatið þegar ég fer með bænirnar. Viltu birta grein á Vísi? Sendu okkur póst. Senda grein Jón Örn Marinósson Mest lesið Er mörgum lesendum Vísis slétt sama um afkomu sína og velferð? Ole Anton Bieltvedt Skoðun Tökum Viktor á þetta og enn lengra Guðmunda G. Guðmundsdóttir Skoðun Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Núll prósent skynsemi Lára G. Sigurðardóttir Skoðun Svar við bréfi Ingós: 3.233.700.000 krónur Runólfur Ágústsson Skoðun Að fórna hamingju fyrir verslunarfrelsi Gunnar Hersveinn Skoðun Hvers eiga Vestfirðingar að gjalda? Ingólfur Ásgeirsson Skoðun Birgir Þórarinsson er enn að Hjálmtýr Heiðdal Skoðun Áhugaverðar ákvarðanir Sigurður Ingi Friðleifsson Skoðun Skömm stjórnvalda - íslensk börn með erlendan bakgrunn Birna Gunnlaugsdóttir Skoðun
ICEX 7.432, þegar ég fór í sturtu, og Nasdaq 2.454 þegar ég skrúfaði fyrir. Var lengi að laga kaffi. Kann ekkert á sjálfvirkar kaffivélar. Hvaða sjálfvirkni er það eiginlega þar sem ekkert virkar af sjálfu sér. Ég veit hvað er raunveruleg sjálfvirkni. Ég er til dæmis fullur af sjálfvirkni. Þess vegna er ég sökksessfúll fjárfestir og alltaf glaður í bragði. Ég er sjálfvirkur eins og markaðurinn. Sjálfvirkur eins og Geir Haarde þegar Viðskiptaráð ýtir á skattalækkunartakkann á honum. Ég þarf ekki sérstaklega að taka ákvörðun um eitt eða neitt. Ég fer bara eftir innstinkti og sjálfsbjargarhvöt. Græði þannig sjálfvirkt nánast. Það er mikil guðsgjöf að búa yfir frumkvæði, glöggu auga fyrir skattalagaglufum og óútskýranlegu viðskiptaviti sem engin lög ná yfir og ekki einu sinni nafnlaus bréf. Stebbi einkadræver ók mér á stjórnarfund í Stinningu ehf. á Hótel Sögu kl. 11.00. Algjör mannauður, hann Stebbi, miklu verðmætari en einkadræverar sem ég nota úti í London og kostar miklu minna en þeir. Það er kosturinn við venjulega Íslendinga að þeir hafa lagað sig að víxlverkun launa og verðlags. Þeir eru hæstánægðir með nokkra tíkalla, prumpa á alla ginistuðla og taka bara lán hjá okkur í bönkunum ef þá langar til að veita sér eitthvað. Lettar og Pólverjar kosta minna í beinhörðum peningum og það er hægt að láta þá sofa í gámum en þeir taka aldrei nein lán í bankanum hjá mér svo að á endanum er meira fyrir mig hafa upp úr Íslendingum eins og Stebba. Formaður bændasamtakanna stöðvaði okkur stjórnarmenn í anddyrinu á Sögu og vildi fá að vita hvaða starfsemi væri stunduð í fyrirtæki sem héti Stinning ehf. Nafnið gæfi ástæðu til að ætla að við stæðumst ekki nýsamþykktar siðferðiskröfur íslenskra bænda. Við fengum inngöngu eftir að ég hafði útskýrt að nafnið Stinning vísar til þess að fyrirtækið framleiðir hraðsteypu. Gísli í Senathor kjötvinnslu hf. fékk þá snjöllu viðskiptahugmynd í dag að hann væri skyldur Thorsurunum. Hann keypti forskalaðan timburkofa, sem amma hans átti við Meðalveg, fyrir 450 millur. Hann ætlar að koma þar upp safni um sjálfan sig og Elton John. Safnið verður opið fólki sem hefur verið almenningur í meira en fimm ár. Félagsmálaráðuneytið hefur notað kofann fyrir opinberanir og kynferðisofbeldi. Mál að koma sér í rúmið. Muna að þakka Moody fyrir lánhæfismatið þegar ég fer með bænirnar.
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun