Hálfur milljarður á lofti

Ekki þarf sérfræðinga til að gera sér grein fyrir því að aldrei hefur meira af flugeldum verið skotið á loft eins og síðasta gamlárskvöld.

Sérfræðingar áætla að Íslendingar hafi varið um hálfum milljarði í flugeldakaup þessi áramótin. Það er í takt við annað að slíkar fjárhæðir séu nefndar í slíku samhengi. Hér á árum áður var slík fjárhæð talin þokkalegur hagnaður stærstu fyrirtækja landsins. Nú er öldin önnur og hálfur milljarður þykir ekki tilefni stórra yfirlýsinga eða tíðinda, en það verður að segjast eins og er að hann er býsna fallegur þegar hann brennur.