Sport

Skorað fyrir gott málefni

Blikastúlkur hafa verið iðnar við kolann í markaskorun í sumar og munu eflaust ekki láta sitt eftir liggja í þessu skemmtilega uppátæki Landsbankans.
Blikastúlkur hafa verið iðnar við kolann í markaskorun í sumar og munu eflaust ekki láta sitt eftir liggja í þessu skemmtilega uppátæki Landsbankans. Mynd/E.Ól

Landsbanki Íslands, aðalstyrktaraðili efstu deildar karla- og kvenna í knattspyrnunni hér á landi, hefur í tilefni af 120 ára afmæli sínu ákveðið að hrinda af stað verkefni sem kallað hefur verið "Skorað fyrir gott málefni." Bankinn ætlar að gefa veglega fjárhæð til styrktar hjartveikum börnum fyrir hvert skorað mark í næstu umferð karla- og kvennadeildarinnar.

Um 70 börn greinast með hjartagalla á Íslandi ár hvert og hefur Landsbankinn ákveðið að styrkja styrktarfélagi hjartveikra barna, Neistanum, þá upphæð sem safnast mun í næstu umferð í boltanum. Þá mun Landsbankinn bjóða hjartveikum börnum sérstaklega á knattspyrnuleiki sinna uppáhalds liða í Landsbankadeildinni.

Íslenski boltinn Innlendar Íþróttir Pepsi Max-deild karla Pepsi Max-deild kvenna

Mest lesið


Fleiri fréttir

Sjá meira


×

Mest lesið