Framlengir við Aston Villa

Gareth Barry hefur bundið enda á allar vangaveltur um framtíð sína og skrifað undir nýjan samning við Aston Villa sem gildir til ársins 2010. Hann var mjög eftirsóttur í sumar og flestir sparkspekingar voru á því að hann myndi yfirgefa Villa Park en af því verður ekki.

"Þetta eru búnir að vera langir mánuðir og ég er mjög ánægður með að hlutirnir séu komnir á hreint," sagði Barry í gær. "Það að Martin O"Neill sé orðinn stjóri hjá Villa hafði stór áhrif á ákvörðun mína að vera áfram hjá félaginu. Ég tel að félagið sé komið með réttan stjóra sem geti farið lengra með liðið."