Hagnaður Amazon.com yfir væntingum

Bandaríska netverslunin Amazon.com skilaði 19 milljóna bandaríkjadala hagnaði á þriðja ársfjórðungi. Þetta svarar til 1,3 milljarða íslenskra króna og rétt tæplega helmingi minni hagnaður en á sama tíma í fyrra. Hagnaðurinn á þriðja fjórðungi síðasta árs nam 30 milljónum dala, jafnvirði 2 milljarða króna. Hagnaðurinn er meiri en greiningaraðilar bjuggust við.

Tekjur fyrirtækisins á sama tímabili um 24 prósent.

Hagnaður netverslunarinnar, sem er önnur vinsælasta verslunin í netheimum, hafa lækkað nokkuð undanfarin misseri, aðallega vegna aukins kostnaðar við þróun í nettækni.

Jeff Bezos, sem stýrt hefur Amazon.com frá upphafi, segir hagnað aukast á ný á síðasta fjórðungi ársins.

Greiningaraðilar segja Amazon.com hafa farið seint af stað í samkeppninni um sölu tónlistar á stafrænu formi á netinu. Þar ber iTunes, vefur Apple, höfuð og herðar yfir aðra. Amazon.com hefur nú landað samningum við kvikmynda- og sjónvarpsframleiðendur vestanhafs og ýtt úr vör nýrri þjónustu sem gerir Bandaríkjamönnum kleift að hala niður myndefni á stafrænu formi og horfa á í tölvum sínum.