Friðargæslan 22. október 2006 06:00 Utanríkisráðherra Valgerður Sverrisdóttir hefur tilkynnt um breyttar áherslur í friðargæslu Íslands. Framvegis verður áhersla lögð á fjögur svið á vegum friðargæslunnar, en þau eru á vettvangi löggæslu og réttarfars, flugmála og flugvallastjórnunar, fjölmiðlunar og upplýsingamála og á sviði heilbrigðismála. „Við ætlum að mýkja ásýnd friðargæslunnar og færa hana enn meira yfir á borgaraleg svið. Við höfum mikla reynslu og höfum getið okkur gott orð þar sem við höfum komið að málum á þessum sviðum," sagði Valgerður Sverrisdóttir, er hún kynnti þessar nýju áherslur í síðustu viku. Þar með verður dregið úr starfsemi íslensku friðargæslunnar, þar sem áberandi hafa verið þungvopnaðir Íslendingar í felulitabúningum á breyttum jeppum, og er það vel. Þau verkefni sem íslenskir friðargæsluliðar eiga að fást við í framtíðinni, eru þess eðlis að við ættum að eiga úrval kvenna og karla til að gegna þeim. Það hæfir ekki herlausri þjóð eins og okkur Íslendingum að halda úti friðargæslu á átakasvæðum, þar sem menn þurfa daglega að ganga um í skotheldum vestum með öflug vopn, og þar sem mikil hætta er á mannfalli vegna átaka stríðandi fylkinga, eins og dæmin sanna. Við höfum verið mjög lánsamir hingað til að hafa ekki misst fólk á þessum svæðum og nú minnkar væntanlega hættan á því, þótt alltaf geti orðið slys, ekki síst þar sem friðargæslu er þörf og henni haldið úti. Fólk í löndum þar sem áratugahefð er fyrir her í landi þeirra, lítur öðruvísi á þungvopnaða hermenn en við. Það er vant hermennsku og þeim siðum og lögmálum sem henni fylgja. Sýningar hermanna í þessum löndum hafa líka heillað marga og skrautfjöðrin í herjum marga landa eru lífvarðasveitir þjóðhöfðingja, sem draga að sér mikinn fjölda innlendra og erlendra áhorfenda á ári hverju. Þessu erum við Íslendingar hins vegar ekki vanir, og því er það skynsamleg ákvörðun hjá utanríkisráðherra að breyta ásýnd Íslensku friðargæslunnar á næstu mánuðum. Íslensk stjórnvöld hafa markað þá stefnu að taka þátt í friðargæslu þar sem hennar er þörf og það er ekkert við það að athuga. Við eigum hins vegar að velja okkur verkefni, sem eru í takt við þjóðarsálina, en láta öðrum um að vera í bardagabúningum. Það er reyndar ekkert nýtt að við Íslendingar tökum þátt í margs konar friðargæslu en hingað til hefur það aðallega verið á vegum Sameinuðu þjóðanna. Þannig hefur fjöldi íslenskra lögreglumanna verið með bláa húfu samtakanna og fána okkar á einkennisbúningnum sínum á ýmsum stöðum í heiminum. Friðargæslan síðustu misserin hefur hins vegar verið meira áberandi, þar sem okkar fólk hefur verið á miklum óróa og átakasvæðum. Þau verkefni sem íslenskir friðargæsluliðar eiga að fást við í framtíðinni eru þess eðlis að við ættum að eiga úrval kvenna og karla til að gegna þeim. Viltu birta grein á Vísi? Sendu okkur póst. Senda grein Kári Jónasson Mest lesið Hvers virði er lambakjöt? Hafliði Halldórsson Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson Skoðun Þjóðareign, trú og skattar Svanur Guðmundsson Skoðun Næstu sólarhringar á Gaza skipta sköpum Hlynur Már Vilhjálmsson Skoðun Lífið er eins og konfektkassi, þú veist aldrei hvernig mola þú færð Elín Íris Fanndal Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun Opið bréf til stjórnvalda Elín Ýr Arnar Hafdísardóttir Skoðun Hamas og átökin við Ísrael – hvað er ekki sagt upphátt? Einar G Harðarson Skoðun Stéttarkerfi Halldóra Lillý Jóhannsdóttir Skoðun Daði Már týnir sjálfum sér Heiðrún Lind Marteinsdóttir Skoðun
Utanríkisráðherra Valgerður Sverrisdóttir hefur tilkynnt um breyttar áherslur í friðargæslu Íslands. Framvegis verður áhersla lögð á fjögur svið á vegum friðargæslunnar, en þau eru á vettvangi löggæslu og réttarfars, flugmála og flugvallastjórnunar, fjölmiðlunar og upplýsingamála og á sviði heilbrigðismála. „Við ætlum að mýkja ásýnd friðargæslunnar og færa hana enn meira yfir á borgaraleg svið. Við höfum mikla reynslu og höfum getið okkur gott orð þar sem við höfum komið að málum á þessum sviðum," sagði Valgerður Sverrisdóttir, er hún kynnti þessar nýju áherslur í síðustu viku. Þar með verður dregið úr starfsemi íslensku friðargæslunnar, þar sem áberandi hafa verið þungvopnaðir Íslendingar í felulitabúningum á breyttum jeppum, og er það vel. Þau verkefni sem íslenskir friðargæsluliðar eiga að fást við í framtíðinni, eru þess eðlis að við ættum að eiga úrval kvenna og karla til að gegna þeim. Það hæfir ekki herlausri þjóð eins og okkur Íslendingum að halda úti friðargæslu á átakasvæðum, þar sem menn þurfa daglega að ganga um í skotheldum vestum með öflug vopn, og þar sem mikil hætta er á mannfalli vegna átaka stríðandi fylkinga, eins og dæmin sanna. Við höfum verið mjög lánsamir hingað til að hafa ekki misst fólk á þessum svæðum og nú minnkar væntanlega hættan á því, þótt alltaf geti orðið slys, ekki síst þar sem friðargæslu er þörf og henni haldið úti. Fólk í löndum þar sem áratugahefð er fyrir her í landi þeirra, lítur öðruvísi á þungvopnaða hermenn en við. Það er vant hermennsku og þeim siðum og lögmálum sem henni fylgja. Sýningar hermanna í þessum löndum hafa líka heillað marga og skrautfjöðrin í herjum marga landa eru lífvarðasveitir þjóðhöfðingja, sem draga að sér mikinn fjölda innlendra og erlendra áhorfenda á ári hverju. Þessu erum við Íslendingar hins vegar ekki vanir, og því er það skynsamleg ákvörðun hjá utanríkisráðherra að breyta ásýnd Íslensku friðargæslunnar á næstu mánuðum. Íslensk stjórnvöld hafa markað þá stefnu að taka þátt í friðargæslu þar sem hennar er þörf og það er ekkert við það að athuga. Við eigum hins vegar að velja okkur verkefni, sem eru í takt við þjóðarsálina, en láta öðrum um að vera í bardagabúningum. Það er reyndar ekkert nýtt að við Íslendingar tökum þátt í margs konar friðargæslu en hingað til hefur það aðallega verið á vegum Sameinuðu þjóðanna. Þannig hefur fjöldi íslenskra lögreglumanna verið með bláa húfu samtakanna og fána okkar á einkennisbúningnum sínum á ýmsum stöðum í heiminum. Friðargæslan síðustu misserin hefur hins vegar verið meira áberandi, þar sem okkar fólk hefur verið á miklum óróa og átakasvæðum. Þau verkefni sem íslenskir friðargæsluliðar eiga að fást við í framtíðinni eru þess eðlis að við ættum að eiga úrval kvenna og karla til að gegna þeim.
Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun
Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun