Viðskipti erlent

Sensex í nýjum hæðum

Verðbréfamiðlarar í kauphöllinni í Mumbai á Indlandi um það leyti sem hlutabréfavísitalan lækkaði mikið í sumar.
Verðbréfamiðlarar í kauphöllinni í Mumbai á Indlandi um það leyti sem hlutabréfavísitalan lækkaði mikið í sumar. Mynd/AFP

Indverska hlutabréfavísitalan Sensex fór í nýjar hæðir í kauphöll Indlands í dag þegar gengi hennar fór í 12.677 stig. Gengi vísitölunnar hefur aldrei verið hærra. Ástæðan fyrir 1,1 prósenta hækkun á markaðnum í dag var aukin bjartsýni fjárfesta um efnahagshorfur á Indlandi.

Hækkunin varð mest á gengi bréfa í indverska ríkisolíu- og gasfyrirtækinu Oil and Natural Gas Corporation og hjá hátæknifyrirtækjum á borð við Infosys.

Þetta er talsverður viðsnúningur á hlutabréfavísitölunnar sem lækkaði mikið í júní og fór niður fyrir 10.000 stiga markið. Greiningaraðili á Indlandi segir í samtali við breska ríkisútvarpið, að orku- og tæknifyrirtæki hafi leitt hækkanir hlutabréfavísitölunnar síðastliðinn einn og hálfan mánuð.
Erlent Fréttir Viðskipti


Mest lesið


Fleiri fréttir

Sjá meira


×

Mest lesið