Vill að Menningarnótt verði færð á sunnudag

Geir Jón Þórisson, yfirlögregluþjónn í Reykjavík, ætlar enn að hvetja til þess að hátíðarhöld á menningarnótt verði færð yfir á sunnudag, í stað laugardags. Þetta telur hann affarasælast til að koma í veg fyrir mikla unglingadrykkju í kjölfar listadagskrár menningarnætur. Töluverð unglingadrykkja var í miðbænum á laugardagskvöld og bendir Geir Jón á að það haldist í hendur við að þetta sé síðasta helgin áður en skólar hefjast á ný. Hann telur að um 15 þúsund manns hafi verið í miðbænum á laugardagskvöld eftir að flugeldasýningunni lauk, þar af margir unglingar, sem ekki komast inn á vínveitingastaði.