Sprengjuæfing síðar í mánuðinum

Fimmta og ef til vill síðasta fjölþjóðlega sprengueyðingaræfingin verður haldin á Keflavíkurflugvelli síðar í mánuðinum, með þáttöku hátt í 80 erlendra sérfræðinga. Æfingar þessar, sem bera heitið Northern Challenge, hófust eftir að bandaríkjaher hætti að efna til reglubundinna æfinga bandaríska heimavarnarliðsins hér á landi. Æfingin verður aðallega á Keflavíkurflugvelli en auk þess í allt að 80 km radíus út frá honum. NATO styður æfinguna fjárhagslega, en á henni er aðal áhersla lögð á sprengjueyðingaraðgerðir, bæði á landi og á sjó, sem vörn gegn hryðjuverkum. Landhelgisgæslan vinnur að undirbúningi, ásamt Varnarlilðinu, Varnarmálaskrifstofu utanríkisráðuneytisins, lögreglu og starfsmönnum á Keflavíkurflugvelli. Hátt í 80 erlendir sérfræðingar koma á æfinguna, og segir Jóhann Baldursson, upplýsingafulltrúi Landheglsigæslunnar, að þessar æfingar hafi reynst gæslunni afar þýuðingarmiklar, þar sem með þeim hafi borist mikil þekking til landsins með hinum erlendu sérfræðingum.