Hráolía lækkaði í verði

Heimsmarkaðsverð á hráolíu lækkaði á helstu mörkuðum í dag m.a. vegna þess að talið er að eldsneytisþörf muni minnka á næstu mánuðum auk þess sem birgðir af hráolíu hafa aukist mikið í Bandaríkjunum. Sérfræðingar OPEC-ríkjanna spá áframhaldandi lækkun á hráolíuverði á næstu mánuðum vegna þessa.

Verð á hráolíu, sem afhent verður í næsta mánuði, lækkaði um 35 sent og fór í 62,42 dollara á tunnu á mörkuðum í New York í Bandaríkjunum. Verð á Brent Norðursjávarolíu lækkaði sömuleiðis um 32 sent og fór í 62,94 dollara á tunnu Í kauphöllinni í Lundúnum í Bretlandi í dag.

Heimsmarkaðsverð á hráolíuverð er eftir sem áður 12 prósentum hærra nú en fyrir ári síðan m.a. vegna vaxandi spennu í Íran og Nígeríu.