Hugsuður viðskiptalífsins ræðir um samkeppnishæfni 27. september 2006 00:01 Michael E. Porter á ráðstefnu á indlandi Prófessor Porter er eftirsóttur fyrirlesari um stefnumótun og samkeppnishæfni víða um heim. Hann hefur hlotið viðurkenningar fyrir störf sín og skipar eina virðingarverðustu stöðuna innan Harvard háskóla. Nordicphotos/AFP Bandaríski hagfræðingurinn Michael E. Porter er væntanlegur til landsins í næstu viku og mun halda tvo fyrirlestra meðan á dvöl hans stendur. Fyrri fyrirlesturinn verður á ráðstefnu á Hótel Nordica að morgni 2. október en þar mun hann kynna í fyrsta sinn niðurstöður nýrrar rannsóknar um samkeppnishæfni Íslands. Í hádeginu tekur Porter svo við heiðurdoktorsnafnbót við viðskipta- og hagfræðideild Háskóla Íslands í Hátíðasal Aðalbyggingar Háskólans. Að því loknu mun Porter flytja seinni fyrirlestur sinn í Háskólabíói og ber hann heitið "What is strategy?" Heimsókn Porters er svo sannarlega hvalreki á fjörur jafnt stjórnenda fyrirtækja sem og hag- og viðskiptafræðinga og áhugamanna en hann er með virtustu hagfræðingum í heimi og af mörgum talinn fremsti hugsuður heims á sviði stefnumótunar og stjórnunar. Porter hefur fengið fjölda virtra viðurkenninga fyrir störf sín og var kosinn einn helsti og áhrifamesti hugsuður viðskiptalífsins undir lok síðasta árs. Til samanburðar var Bill Gates, stofnandi og stjórnarformaður bandaríska hugbúnaðarrisans Microsoft, í öðru sæti listans sem náði yfir 50 helstu stjórnendur og hugsuði í viðskiptalífinu um allan heim.sérfræðingur í stefnumótunMichael E. Porter fæddist árið 1947. Hann lauk B.E.S. gráðu með láði í geimtækni og vélaverkfræði frá Princeton University árið 1969 og var í kjölfarið valinn í tvö heiðursmannafélög háskólastúdenta við skólana. Tveimur árum síðar lauk hann svo M.B.A. prófi frá Harvard Business School og hlaut doktorsgráðu í viðskiptahagfræði frá Harvard háskóla árið 1973.Hann gegnir prófessorsstöðu við Harvard Business School en árið 2001 komu skólinn og Harvard háskóli á fót stofnun stefnumótunar og samkeppnishæfni (Institute for Strategy and Competitiveness ) til að efla starf hans. Þetta mun vera það lengsta sem nokkur prófessor kemst í Harvard og sýnir vel hversu hátt hann er metinn í fræðasamfélaginu í Bandaríkjunum.Stofnun Porters hefur boðið viðskipta- og hagfræðideild Háskóla Íslands til samstarfs um kennslu í rekstrarhagfræði á meistarastigi með sérstakri áherslu á samkeppnishæfni fyrirtækja og þjóða (Microeconomics of Competitiveness) og er það nú í undirbúningi.Porter hefur sleitulítið starfað á sviði hagfræði frá upphafi ferils síns en aðalsvið hans er stefnumótun fyrirtækja, samkeppnisaðferðir og samkeppnishæfni og efnahagsleg þróun þjóða um allan heim. Þá hefur hann samhliða því verið ráðgjafi um stefnumótun hjá mörgum af fremstu fyrirtækjum í heimalandi sínu og hjá ýmsum alþjóðlegum fyrirtækjum. En auk þessa þá er hann einnig aðal stefnuráðgjafi bandaríska hafnaboltaliðsins Boston Red Sox sem keppir í atvinnumannadeildinni vestra.afkastamikill og virtur höfundurSamhliða starfi sínu sem prófessor í Harvard hefur Porter skrifað 17 bækur og yfir 125 greinar, sem margar hverjar hafa verið kenndar í stefnumótun víða um heim, þar á meðal hér á landi. Þrjár bækur hans um stefnumótun og samkeppnishæfni skipa hins vegar stærstan sess í höfundarverki Porters en þær skutu honum upp á stjörnuhimininn á sviði stefnumótunar.Fyrsta bókin, Competitive Strategy: Techniques for Analyzing Industries and Competitors, kom út árið 1980. Hún hefur verið prentuð 63 sinnum og þýdd á 19 tungumál. Þar fjallaði Porter um samkeppniskraftagreininguna svokölluðu, sem tekur á þeim öflum sem fyrirtæki þurfa að kljást við í umhverfi sínu.Hin bókin er Competitive Advantage: Creating and Sustaining Superior Performance, sem kom út fimm árum síðar, og hefur hún verið prentuð 38 sinnum. Þriðja bókin, The Competitive Advantage of Nations, kom svo út fyrir sextán árum en hvati hennar var þegar Ronald Reagan, fyrrum forseta Bandaríkjanna, skipaði hann í nefnd sína um samkeppnishæfni iðnaðarins árið 1983. Bókin varð síðan upphafið að vangaveltum hans sem snúa að að samkeppnishæfni og efnahagslegri þróun. Í bókinni er varpað fram nýrri kenningu um samkeppni þjóða, ríkja og svæða og uppsprettu efnahagslegrar velmegunar þeirra. Henni var fylgt eftir með yfirgripsmikilli röð bóka um áhrif staðsetningar á samkeppni með áherslu á hlutverk þyrpinga. Þessar kenningar hafa haft mikil áhrif á stefnumótun efnahagsmála um allan heim.Porter mun vera með átjándu bók sína í smíðum og er hann sagður stefna að því að ljúka henni á þessu ári. Viðskipti Mest lesið Omnom gjaldþrota og kröfuhafar uggandi Viðskipti innlent Steinhissa á MR og rifjar lúmskt upp sjónvarpsleysið á fimmtudögum Atvinnulíf Innbú Play til sölu: Gæti aflað búinu fjórtán milljóna króna Viðskipti innlent Skáluðu fyrir kraftinum sem knýr samfélagið Viðskipti innlent Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent Eva og Guðrún nýir forstöðumenn hjá Icelandair Viðskipti innlent ORA svarar fyrir fiskbúðinginn: „Stundum þarf bara pung í að gera breytingar“ Neytendur Telur um dulda launahækkun skrifstofufólks að ræða Viðskipti innlent Nú er ekki hægt að afskrá flugvélar nema að greiða gjöldin Viðskipti innlent Góa tekur yfir framleiðslu á Omnom Viðskipti innlent Fleiri fréttir Omnom gjaldþrota og kröfuhafar uggandi Skáluðu fyrir kraftinum sem knýr samfélagið Innbú Play til sölu: Gæti aflað búinu fjórtán milljóna króna Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Eva og Guðrún nýir forstöðumenn hjá Icelandair Nú er ekki hægt að afskrá flugvélar nema að greiða gjöldin Telur um dulda launahækkun skrifstofufólks að ræða Davíð Ernir til liðs við Athygli Netvís tekur við af SAFT Bein útsending: Er gervigreindin alvöru tækifæri fyrir Ísland? Ísland verði leiðandi í þróun varna og viðskipta á Norðurslóðum Segja falda launauppbót hjá níu af hverjum tíu stofnunum ríkisins „Það er kennitöluflakk í skilgreiningu sinni“ Einar rýfur þögnina: Vísar kenningum um fléttu á bug Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Sjá meira
Bandaríski hagfræðingurinn Michael E. Porter er væntanlegur til landsins í næstu viku og mun halda tvo fyrirlestra meðan á dvöl hans stendur. Fyrri fyrirlesturinn verður á ráðstefnu á Hótel Nordica að morgni 2. október en þar mun hann kynna í fyrsta sinn niðurstöður nýrrar rannsóknar um samkeppnishæfni Íslands. Í hádeginu tekur Porter svo við heiðurdoktorsnafnbót við viðskipta- og hagfræðideild Háskóla Íslands í Hátíðasal Aðalbyggingar Háskólans. Að því loknu mun Porter flytja seinni fyrirlestur sinn í Háskólabíói og ber hann heitið "What is strategy?" Heimsókn Porters er svo sannarlega hvalreki á fjörur jafnt stjórnenda fyrirtækja sem og hag- og viðskiptafræðinga og áhugamanna en hann er með virtustu hagfræðingum í heimi og af mörgum talinn fremsti hugsuður heims á sviði stefnumótunar og stjórnunar. Porter hefur fengið fjölda virtra viðurkenninga fyrir störf sín og var kosinn einn helsti og áhrifamesti hugsuður viðskiptalífsins undir lok síðasta árs. Til samanburðar var Bill Gates, stofnandi og stjórnarformaður bandaríska hugbúnaðarrisans Microsoft, í öðru sæti listans sem náði yfir 50 helstu stjórnendur og hugsuði í viðskiptalífinu um allan heim.sérfræðingur í stefnumótunMichael E. Porter fæddist árið 1947. Hann lauk B.E.S. gráðu með láði í geimtækni og vélaverkfræði frá Princeton University árið 1969 og var í kjölfarið valinn í tvö heiðursmannafélög háskólastúdenta við skólana. Tveimur árum síðar lauk hann svo M.B.A. prófi frá Harvard Business School og hlaut doktorsgráðu í viðskiptahagfræði frá Harvard háskóla árið 1973.Hann gegnir prófessorsstöðu við Harvard Business School en árið 2001 komu skólinn og Harvard háskóli á fót stofnun stefnumótunar og samkeppnishæfni (Institute for Strategy and Competitiveness ) til að efla starf hans. Þetta mun vera það lengsta sem nokkur prófessor kemst í Harvard og sýnir vel hversu hátt hann er metinn í fræðasamfélaginu í Bandaríkjunum.Stofnun Porters hefur boðið viðskipta- og hagfræðideild Háskóla Íslands til samstarfs um kennslu í rekstrarhagfræði á meistarastigi með sérstakri áherslu á samkeppnishæfni fyrirtækja og þjóða (Microeconomics of Competitiveness) og er það nú í undirbúningi.Porter hefur sleitulítið starfað á sviði hagfræði frá upphafi ferils síns en aðalsvið hans er stefnumótun fyrirtækja, samkeppnisaðferðir og samkeppnishæfni og efnahagsleg þróun þjóða um allan heim. Þá hefur hann samhliða því verið ráðgjafi um stefnumótun hjá mörgum af fremstu fyrirtækjum í heimalandi sínu og hjá ýmsum alþjóðlegum fyrirtækjum. En auk þessa þá er hann einnig aðal stefnuráðgjafi bandaríska hafnaboltaliðsins Boston Red Sox sem keppir í atvinnumannadeildinni vestra.afkastamikill og virtur höfundurSamhliða starfi sínu sem prófessor í Harvard hefur Porter skrifað 17 bækur og yfir 125 greinar, sem margar hverjar hafa verið kenndar í stefnumótun víða um heim, þar á meðal hér á landi. Þrjár bækur hans um stefnumótun og samkeppnishæfni skipa hins vegar stærstan sess í höfundarverki Porters en þær skutu honum upp á stjörnuhimininn á sviði stefnumótunar.Fyrsta bókin, Competitive Strategy: Techniques for Analyzing Industries and Competitors, kom út árið 1980. Hún hefur verið prentuð 63 sinnum og þýdd á 19 tungumál. Þar fjallaði Porter um samkeppniskraftagreininguna svokölluðu, sem tekur á þeim öflum sem fyrirtæki þurfa að kljást við í umhverfi sínu.Hin bókin er Competitive Advantage: Creating and Sustaining Superior Performance, sem kom út fimm árum síðar, og hefur hún verið prentuð 38 sinnum. Þriðja bókin, The Competitive Advantage of Nations, kom svo út fyrir sextán árum en hvati hennar var þegar Ronald Reagan, fyrrum forseta Bandaríkjanna, skipaði hann í nefnd sína um samkeppnishæfni iðnaðarins árið 1983. Bókin varð síðan upphafið að vangaveltum hans sem snúa að að samkeppnishæfni og efnahagslegri þróun. Í bókinni er varpað fram nýrri kenningu um samkeppni þjóða, ríkja og svæða og uppsprettu efnahagslegrar velmegunar þeirra. Henni var fylgt eftir með yfirgripsmikilli röð bóka um áhrif staðsetningar á samkeppni með áherslu á hlutverk þyrpinga. Þessar kenningar hafa haft mikil áhrif á stefnumótun efnahagsmála um allan heim.Porter mun vera með átjándu bók sína í smíðum og er hann sagður stefna að því að ljúka henni á þessu ári.
Viðskipti Mest lesið Omnom gjaldþrota og kröfuhafar uggandi Viðskipti innlent Steinhissa á MR og rifjar lúmskt upp sjónvarpsleysið á fimmtudögum Atvinnulíf Innbú Play til sölu: Gæti aflað búinu fjórtán milljóna króna Viðskipti innlent Skáluðu fyrir kraftinum sem knýr samfélagið Viðskipti innlent Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent Eva og Guðrún nýir forstöðumenn hjá Icelandair Viðskipti innlent ORA svarar fyrir fiskbúðinginn: „Stundum þarf bara pung í að gera breytingar“ Neytendur Telur um dulda launahækkun skrifstofufólks að ræða Viðskipti innlent Nú er ekki hægt að afskrá flugvélar nema að greiða gjöldin Viðskipti innlent Góa tekur yfir framleiðslu á Omnom Viðskipti innlent Fleiri fréttir Omnom gjaldþrota og kröfuhafar uggandi Skáluðu fyrir kraftinum sem knýr samfélagið Innbú Play til sölu: Gæti aflað búinu fjórtán milljóna króna Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Eva og Guðrún nýir forstöðumenn hjá Icelandair Nú er ekki hægt að afskrá flugvélar nema að greiða gjöldin Telur um dulda launahækkun skrifstofufólks að ræða Davíð Ernir til liðs við Athygli Netvís tekur við af SAFT Bein útsending: Er gervigreindin alvöru tækifæri fyrir Ísland? Ísland verði leiðandi í þróun varna og viðskipta á Norðurslóðum Segja falda launauppbót hjá níu af hverjum tíu stofnunum ríkisins „Það er kennitöluflakk í skilgreiningu sinni“ Einar rýfur þögnina: Vísar kenningum um fléttu á bug Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Sjá meira
Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent
Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent