Eimskip kaupir PTI

Eimskip gekk í gær frá kaupum á bandaríska flutningsmiðlunarfyrirtækinu Pacific Tramper Services, Inc. sem sérhæft er í flutningum á frosnum fiski frá Alaska. Ársvelta félagsins er um fimm til sex milljónir bandaríkjadala á ári eða um 340 til 408 milljónir íslenskra króna. EBITDA er í kringum 350 til 400 þúsund bandaríkjadala eða 24 til 27 milljónir króna. Kaupin eru fjármögnuð með eigin fé.

Í fréttatilkynningu frá Eimskipi segir að kaupin muni styrkja stöðu félagsins í Alaska verulega, meðal annars með möguleikum á frekari þróun á frystigeymsluþjónustu í Dutch Harbor og þróun á frystiskipaþjónustu til Evrópu og Asíu. Þá opnist möguleikinn á því að tengja Alaska og norðvesturhluta Bandaríkjanna við alþjóðlegt flutnings- og frystigeymslunet Eimskips.