Orlando - Phoenix í beinni á miðnætti

Það má reikna með fyrsta flokks skemmtun á NBA TV sjónvarpsstöðinni á Fjölvarpinu í kvöld þar sem leikur kvöldsins verður viðureign Orlando Magic og Phoenix Suns. Leikurinn hefst á miðnætti og fróðlegt verður að sjá hvernig heitasta liðinu í NBA í dag, Phoenix, vegnar gegn ungu og skemmtilegu liði Orlando.

Phoenix vann sinn 10. leik í röð gegn Charlotte liðna nótt og er án efa heitasta liðið í NBA í dag. Orlando er með ungt og skemmtilegt lið með þá Dwight Howard, Grant Hill og  Jameer Nelson í fararbroddi og hefur liðið komið nokkuð á óvart í vetur með góðu gengi sínu.