Flugfélagið til sölu?

Orðrómur er uppi um að Flugfélag Íslands sé til sölu eins og margt annað í eignasafni FL Group.

Beinast böndin að eigendum Landsflugs sem líklegum kaupendum, enda eru kannski ekki margir aðilar sem hafa þekkingu og reynslu til að reka innanlandsflugfélag. Samkvæmt upplýsingum frá Landsflugi stendur ekki til að kaupa flugfélagið þar sem verðmiðinn þykir hár.

FL Group hefur selt Bílaleigu Flugleiða og Ferðaskrifstofu Íslands auk þess sem vilji er fyrir að selja Kynnisferðir. Á vormánuðum verður Icelandair skráð á markað.