Banaslys á Suðurlandsvegi

Banaslys varð um klukkan níu í gærkvöldi á Suðurlandsvegi til móts við afleggjarann að Bollastöðum. Þar varð karlmaður á hesti fyrir bifreið sem ekið var austur veginn og er talið að hann hafi látist samstundis.

Ökumaður bifreiðarinnar var einn í bílnum og þurfti að nota klippur Brunavarna Árnessýslu til að klippa bílinn utan af honum. Hann var fluttur á sjúkrahús í Reykjavík en meiðsl hans eru ekki talin alvarleg.

Tildrög slyssins eru til rannsóknar hjá rannsóknardeild Lögreglunnar á Selfossi.