Róttækar umbætur Jón Sigurðsson skrifar 31. desember 2006 06:00 Ágætu landsmenn. Enn nálgast áramót og þá er tími til að skyggnast yfir árið sem er að hverfa og reyna að sjá inn í næstu framtíð. Það sem blasir við á Íslandi um þessar mundir er ótrúleg gróska í menningarlífi, listsköpun, hönnun, rannsóknum og menntun. Þessi gróska sýnir kraft og þor þjóðarinnar og um leið heilbrigðan og sterkan þjóðarmetnað. Hið sama blasir við þegar litast er um á vettvangi viðskiptalífsins og atvinnulífsins. Í landinu er mikil velmegun og rífandi atvinna fyrir allar fúsar hendur og hugi. Við höfum ekki komist hjá að sjá vaxandi misskiptingu auðs og tekna, enda þótt þeir tekjulægstu hafi reyndar líka fengið miklar kjarabætur á síðustu árum. Til þess að mæta þessu þarf þjóðin að stefna að meira jafnvægi og varanlegum stöðugleika í hagþróuninni. Og þetta hefur einmitt verið að gerast á síðara hluta ársins, eftir að aðgerðir ríkisstjórnarinnar í þessa veru tóku að móta efnahagsframvinduna. Verðbólguhitinn er að hjaðna og þannig næst góð viðspyrna til umbóta. Á árinu sem er að líða náði þjóðin þeim árangri undir forystu ríkisstjórnarinnar að gerðir voru víðtækir samningar við samtök aldraðra annars vegar og hins vegar við samtök á vinnumarkaði. Þessir samningar munu hafa mikil áhrif á samfélagsþróunina á næstu árum. Mjög róttækar umbætur hafa á þessum grundvelli verið gerðar á bóta- og velferðarkerfum landsmanna, og er þess að vænta að allur almenningur verði þessa var þegar kemur fram yfir áramótin. Framundan á komandi ári eru síðan verulegar verðlækkanir á matvöru sem munu nýtast öllum almenningi sem veruleg kjarabót. Þessar kjarabætur allar nýtast vissulega öllum á einn og annan hátt, en umfram allt koma þessar umbætur þeim til góða sem minnst hafa og mest eru þurfandi. Á árinu sem er að líða urðu miklar umræður og deilur um iðnaðarmál og raforkuvirkjanir á hálendinu. Sl. haust lagði auðlindalaganefnd alþingis og ríkisstjórnarinnar fram skýrslu sem boðar þjóðarsátt um þessi mikilvægu mál. Þar er bent á leiðir til þess að undirbúa og móta á næstu þremur árum heildaráætlun sem feli í senn í sér yfirlit um hugsanlega nýtingarkosti og nýtingarsvæði í landinu og einnig um þá staði og svæði sem ekki er talið koma til greina að raska af umhverfis-ástæðum. Þess er að vænta að Alþingi afgreiði á vorþinginu lög um þessi mikilvægu mál. Öll viljum við sýna landinu okkar ást okkar og virðingu í verki, og með þessari væntanlegu löggjöf verða kaflaskil á þessu sviði. Á næsta vori verða einnig þau tímamót í stórframkvæmdunum á Austurlandi að framleiðsla hefst og fer að skila allri þjóðinni arði. Eru allar ástæður til að fagna þeim áfanga fyrir hönd allra landsmanna. Mikilvægasta umbótasviðið til lengri tíma litið er framþróun þekkingarsamfélagsins og efling menntastofnana, rannsókna, tækniþróunar og vísinda. Þarna er vaxtarbroddur gróandi þjóðlífs í framtíðinni með fjölgandi og batnandi lífstækifæri fyrir komandi kynslóðir. Í þessu er mikilvægt að tryggja að engir samfélagshópar verði út undan og að allar byggðir í landinu njóti ávaxta af framþróuninni. Allmörg mál sem snerta menningarmál og menntun verða á næstunni til umfjöllunar alþingis og stjórnvaldanna. Má þar nefna málefni Nýsköpunarmiðstöðvar, Vísinda- og nýsköpunarráðs og fleiri. Á árinu sem senn lýkur urðu miklar breytingar á ríkisstjórn Íslands. Margháttaðar breytingar hafa orðið á vettvangi stjórnmálanna. Og þess er að minnast að Framsóknarflokkurinn varð níutíu ára hinn 16. desember sl. en flokkurinn er elsti stjórnmálaflokkur þjóðarinnar. Við þetta tækifæri komu framsóknarmenn saman víða um landið og treystu samhug og flokksvitund til vasklegra átaka á komandi mánuðum. Allt frá upphafi hefur Framsóknarflokkurinn verið framfarasinnaður umbótaflokkur svo sem uppruni hans og stefnuyfirlýsingar bera með sér. Þetta felur í sér að flokkurinn er fordómalaus um úrlausnir aðsteðjandi vandamála á hverjum tíma. Hann vill beita aðferðum þekkingar og vísinda til að ryðja framþróuninni braut á grundvelli þeirra þjóðfélagslegu gilda sem stefna hans byggist á. Hann hefur í starfi sínu lagt höfuðáherslu á að hver kynslóð leitist við að skila þeirri næstu betra þjóðfélagi en hún tók við, betra lífi, fleiri tækfærum og ríkari menningu, þjóðfélagi þar sem manngildið er metið meira en auðgildi og vinnan, þekkingin og framtakið látið vega meira en auðdýrkun og auðsöfnun. Framsóknarmenn hafa mikilvægan málstað að verja og sækja. Við eigum mjög brýnt erindi við þjóðina og flokkurinn okkar styrkist með hverri nýrri kynslóð og tekur sér stöðu fremst í fylkingarbrjósti. Á komandi mánuðum mun reyna á kraftinn og áræðið mun sannast. Ágætu landar. Kærar þakkir fyrir kynni og samstarf. Og hugheilar óskir um farsælt nýtt ár. Viltu birta grein á Vísi? Sendu okkur póst. Senda grein Jón Sigurðsson Mest lesið Halldór 06.09.2025 Halldór Fólk í sárum veldur tárum Árni Sigurðsson Skoðun Getur þjóð orðið of rík? – Ádeila frá Noregi sem getur átt við um Ísland Júlíus Valsson Skoðun Sveitarstjórn Grímsnes- og Grafningshrepps reynir að skrá fólk út úr samfélaginu Guðrún M. Njálsdóttir,Ragna Ívarsdóttir,Þröstur Sverrisson Skoðun Umfjöllun Kastljóss Þorgrímur Sigmundsson Skoðun Akademískt frelsi og grátur í draumum Viðar Hreinsson Skoðun Að útrýma menningu og þjóð Dagrún Ósk Jónsdóttir,Esther Ösp Valdimarsdóttir,Snædís Sunna Thorlacius Skoðun Austurland situr eftir þrátt fyrir fjórðung vöruútflutningstekna Berglind Harpa Svavarsdóttir Skoðun Sakborningur hjá saksóknara Páll Steingrímsson Skoðun Útgerðin skuldar okkur skýringar Guðmundur Helgi Þórarinsson Skoðun Skoðun Skoðun Getur þjóð orðið of rík? – Ádeila frá Noregi sem getur átt við um Ísland Júlíus Valsson skrifar Skoðun Fólk í sárum veldur tárum Árni Sigurðsson skrifar Skoðun Sveitarstjórn Grímsnes- og Grafningshrepps reynir að skrá fólk út úr samfélaginu Guðrún M. Njálsdóttir,Ragna Ívarsdóttir,Þröstur Sverrisson skrifar Skoðun Akademískt frelsi og grátur í draumum Viðar Hreinsson skrifar Skoðun Skóli án aðgreiningar - tékklisti fyrir stjórnvöld til að gera betur Unnur Helga Óttarsdóttir,Anna Lára Steindal skrifar Skoðun Fjöldi kynja – treystir þú þér í samtalið með velferð barna að leiðarljósi? Böðvar Ingi Guðbjartsson skrifar Skoðun Ókeypis minnisblað fyrir Alþingi: Jafnrétti er ekki skoðun- en umræðan er það Sigríður Ásta Hauksdóttir skrifar Skoðun Segðu skilið við sektarkenndina Finnur Th. Eiríksson skrifar Skoðun Að útrýma menningu og þjóð Dagrún Ósk Jónsdóttir,Esther Ösp Valdimarsdóttir,Snædís Sunna Thorlacius skrifar Skoðun Lög um vinnu og virknimiðstöðvar Atli Már Haraldsson skrifar Skoðun Áfram Breiðholt og Kjalarnes! Skúli Helgason skrifar Skoðun Austurland situr eftir þrátt fyrir fjórðung vöruútflutningstekna Berglind Harpa Svavarsdóttir skrifar Skoðun Vesturlönd mega ekki leyfa Pútín að skrifa leikreglurnar Daði Freyr Ólafsson skrifar Skoðun Umfjöllun Kastljóss Þorgrímur Sigmundsson skrifar Skoðun Gulur september María Heimisdóttir skrifar Skoðun Kyn og vægi líkamans Gunnar Snorri Árnason skrifar Skoðun Sakborningur hjá saksóknara Páll Steingrímsson skrifar Skoðun Reiði á tímum allsnægta Jökull Gíslason skrifar Skoðun 60.000 auðir fermetrar Dagur B. Eggertsson skrifar Skoðun Kristinn átrúnaður á tímum þjóðarmorðs Bjarni Karlsson skrifar Skoðun Tölur segja ekki alla söguna Bryngeir Valdimarsson skrifar Skoðun Skólinn er ekki verksmiðja Kristinn Jón Ólafsson,Halldóra Mogensen skrifar Skoðun Enn úr sömu sveitinni Trausti Hjálmarsson skrifar Skoðun Palestínsk börn eiga betra skilið Anna Lúðvíksdóttir,Tótla I. Sæmundsdóttir skrifar Skoðun Stjórn Eflingar lýsir yfir samstöðu með palestínsku þjóðinni og fordæmir þjóðarmorð á Gaza Hópur stjórnarmanna í Eflingu skrifar Skoðun Þjóð gegn þjóðarmorði – stéttarfélög hvetja til þátttöku Hópur formanna stéttarfélaga skrifar Skoðun Umferðaröryggi barna í Kópavogi Eydís Inga Valsdóttir skrifar Skoðun Öll dýrin í skóginum eiga að vera vinir Árni Sigurðsson skrifar Skoðun Hvar er pabbi? Og aðrir stríðsglæpir Ísraels Þórhildur Sunna Ævarsdóttir skrifar Skoðun Meira að segja Evrópusambandið Hjörtur J. Guðmundsson skrifar Sjá meira
Ágætu landsmenn. Enn nálgast áramót og þá er tími til að skyggnast yfir árið sem er að hverfa og reyna að sjá inn í næstu framtíð. Það sem blasir við á Íslandi um þessar mundir er ótrúleg gróska í menningarlífi, listsköpun, hönnun, rannsóknum og menntun. Þessi gróska sýnir kraft og þor þjóðarinnar og um leið heilbrigðan og sterkan þjóðarmetnað. Hið sama blasir við þegar litast er um á vettvangi viðskiptalífsins og atvinnulífsins. Í landinu er mikil velmegun og rífandi atvinna fyrir allar fúsar hendur og hugi. Við höfum ekki komist hjá að sjá vaxandi misskiptingu auðs og tekna, enda þótt þeir tekjulægstu hafi reyndar líka fengið miklar kjarabætur á síðustu árum. Til þess að mæta þessu þarf þjóðin að stefna að meira jafnvægi og varanlegum stöðugleika í hagþróuninni. Og þetta hefur einmitt verið að gerast á síðara hluta ársins, eftir að aðgerðir ríkisstjórnarinnar í þessa veru tóku að móta efnahagsframvinduna. Verðbólguhitinn er að hjaðna og þannig næst góð viðspyrna til umbóta. Á árinu sem er að líða náði þjóðin þeim árangri undir forystu ríkisstjórnarinnar að gerðir voru víðtækir samningar við samtök aldraðra annars vegar og hins vegar við samtök á vinnumarkaði. Þessir samningar munu hafa mikil áhrif á samfélagsþróunina á næstu árum. Mjög róttækar umbætur hafa á þessum grundvelli verið gerðar á bóta- og velferðarkerfum landsmanna, og er þess að vænta að allur almenningur verði þessa var þegar kemur fram yfir áramótin. Framundan á komandi ári eru síðan verulegar verðlækkanir á matvöru sem munu nýtast öllum almenningi sem veruleg kjarabót. Þessar kjarabætur allar nýtast vissulega öllum á einn og annan hátt, en umfram allt koma þessar umbætur þeim til góða sem minnst hafa og mest eru þurfandi. Á árinu sem er að líða urðu miklar umræður og deilur um iðnaðarmál og raforkuvirkjanir á hálendinu. Sl. haust lagði auðlindalaganefnd alþingis og ríkisstjórnarinnar fram skýrslu sem boðar þjóðarsátt um þessi mikilvægu mál. Þar er bent á leiðir til þess að undirbúa og móta á næstu þremur árum heildaráætlun sem feli í senn í sér yfirlit um hugsanlega nýtingarkosti og nýtingarsvæði í landinu og einnig um þá staði og svæði sem ekki er talið koma til greina að raska af umhverfis-ástæðum. Þess er að vænta að Alþingi afgreiði á vorþinginu lög um þessi mikilvægu mál. Öll viljum við sýna landinu okkar ást okkar og virðingu í verki, og með þessari væntanlegu löggjöf verða kaflaskil á þessu sviði. Á næsta vori verða einnig þau tímamót í stórframkvæmdunum á Austurlandi að framleiðsla hefst og fer að skila allri þjóðinni arði. Eru allar ástæður til að fagna þeim áfanga fyrir hönd allra landsmanna. Mikilvægasta umbótasviðið til lengri tíma litið er framþróun þekkingarsamfélagsins og efling menntastofnana, rannsókna, tækniþróunar og vísinda. Þarna er vaxtarbroddur gróandi þjóðlífs í framtíðinni með fjölgandi og batnandi lífstækifæri fyrir komandi kynslóðir. Í þessu er mikilvægt að tryggja að engir samfélagshópar verði út undan og að allar byggðir í landinu njóti ávaxta af framþróuninni. Allmörg mál sem snerta menningarmál og menntun verða á næstunni til umfjöllunar alþingis og stjórnvaldanna. Má þar nefna málefni Nýsköpunarmiðstöðvar, Vísinda- og nýsköpunarráðs og fleiri. Á árinu sem senn lýkur urðu miklar breytingar á ríkisstjórn Íslands. Margháttaðar breytingar hafa orðið á vettvangi stjórnmálanna. Og þess er að minnast að Framsóknarflokkurinn varð níutíu ára hinn 16. desember sl. en flokkurinn er elsti stjórnmálaflokkur þjóðarinnar. Við þetta tækifæri komu framsóknarmenn saman víða um landið og treystu samhug og flokksvitund til vasklegra átaka á komandi mánuðum. Allt frá upphafi hefur Framsóknarflokkurinn verið framfarasinnaður umbótaflokkur svo sem uppruni hans og stefnuyfirlýsingar bera með sér. Þetta felur í sér að flokkurinn er fordómalaus um úrlausnir aðsteðjandi vandamála á hverjum tíma. Hann vill beita aðferðum þekkingar og vísinda til að ryðja framþróuninni braut á grundvelli þeirra þjóðfélagslegu gilda sem stefna hans byggist á. Hann hefur í starfi sínu lagt höfuðáherslu á að hver kynslóð leitist við að skila þeirri næstu betra þjóðfélagi en hún tók við, betra lífi, fleiri tækfærum og ríkari menningu, þjóðfélagi þar sem manngildið er metið meira en auðgildi og vinnan, þekkingin og framtakið látið vega meira en auðdýrkun og auðsöfnun. Framsóknarmenn hafa mikilvægan málstað að verja og sækja. Við eigum mjög brýnt erindi við þjóðina og flokkurinn okkar styrkist með hverri nýrri kynslóð og tekur sér stöðu fremst í fylkingarbrjósti. Á komandi mánuðum mun reyna á kraftinn og áræðið mun sannast. Ágætu landar. Kærar þakkir fyrir kynni og samstarf. Og hugheilar óskir um farsælt nýtt ár.
Sveitarstjórn Grímsnes- og Grafningshrepps reynir að skrá fólk út úr samfélaginu Guðrún M. Njálsdóttir,Ragna Ívarsdóttir,Þröstur Sverrisson Skoðun
Að útrýma menningu og þjóð Dagrún Ósk Jónsdóttir,Esther Ösp Valdimarsdóttir,Snædís Sunna Thorlacius Skoðun
Austurland situr eftir þrátt fyrir fjórðung vöruútflutningstekna Berglind Harpa Svavarsdóttir Skoðun
Skoðun Getur þjóð orðið of rík? – Ádeila frá Noregi sem getur átt við um Ísland Júlíus Valsson skrifar
Skoðun Sveitarstjórn Grímsnes- og Grafningshrepps reynir að skrá fólk út úr samfélaginu Guðrún M. Njálsdóttir,Ragna Ívarsdóttir,Þröstur Sverrisson skrifar
Skoðun Skóli án aðgreiningar - tékklisti fyrir stjórnvöld til að gera betur Unnur Helga Óttarsdóttir,Anna Lára Steindal skrifar
Skoðun Fjöldi kynja – treystir þú þér í samtalið með velferð barna að leiðarljósi? Böðvar Ingi Guðbjartsson skrifar
Skoðun Ókeypis minnisblað fyrir Alþingi: Jafnrétti er ekki skoðun- en umræðan er það Sigríður Ásta Hauksdóttir skrifar
Skoðun Að útrýma menningu og þjóð Dagrún Ósk Jónsdóttir,Esther Ösp Valdimarsdóttir,Snædís Sunna Thorlacius skrifar
Skoðun Austurland situr eftir þrátt fyrir fjórðung vöruútflutningstekna Berglind Harpa Svavarsdóttir skrifar
Skoðun Stjórn Eflingar lýsir yfir samstöðu með palestínsku þjóðinni og fordæmir þjóðarmorð á Gaza Hópur stjórnarmanna í Eflingu skrifar
Skoðun Þjóð gegn þjóðarmorði – stéttarfélög hvetja til þátttöku Hópur formanna stéttarfélaga skrifar
Sveitarstjórn Grímsnes- og Grafningshrepps reynir að skrá fólk út úr samfélaginu Guðrún M. Njálsdóttir,Ragna Ívarsdóttir,Þröstur Sverrisson Skoðun
Að útrýma menningu og þjóð Dagrún Ósk Jónsdóttir,Esther Ösp Valdimarsdóttir,Snædís Sunna Thorlacius Skoðun
Austurland situr eftir þrátt fyrir fjórðung vöruútflutningstekna Berglind Harpa Svavarsdóttir Skoðun