Bílar skemmdir í Keflavík

Lögreglan í Keflavík leitar vitna að skemmdum sem unnar voru á tveimur bílum í bænum í gær og fyrrinótt. Um klukkan átta barst tilkynning um að rauður Toyota Avensis skutbíll hefði verið skemmdur fyrir utan íbúð við Hringbraut, en afturrúða hafði verið brotin með því að henda í hana hnullungi. Þá var eftir hádegið tilkynnt um að afturhluti lítillar svartrar Peugeot-bifreiðar hefði verið dældaður og afturljós brotið, en bíllinn stóð fyrir utan Myllubakkaskóla í Keflavík. Talið er að bíllinn hafi verið skemmdur um nóttina. Lögreglan í Keflavík biður þá sem eitthvað vita að hafa samband í síma 420-2400.