Roland var ÍR-ingum erfiður

Roland Valur Eradze var ÍR-ingum erfiður í fyrsta leik ÍBV og ÍR í undanúrslitum DHL-deildar karla sem fram fór í Eyjum í kvöld. Roland varði 22 skot í 30-29 sigri ÍBV þar á meðal lokaskot leiksins á síðustu sekúndunni. Zoltan Belánýi skoraði sigurmarkið úr vítakasti hálfri mínútu fyrir leikslok. ÍBV hafði frumkvæðið allan leikinn, leiddi með 5 mörkum í hálfleik, 15-10 og náði sex marka forskoti í upphafi seinni hálfleiks. ÍR-ingar gáfust þó ekki upp og náðu að jafna leikinn í lokin eftir að hafa skorað 7 mörk gegn 2 á lokakaflanum. Þeir náðu hinsvegar ekki að komast yfir og Svavar Vignisson fiskaði vítakastið sem Zoltan Belánýi skoraði sigurmarkið úr. "Við fórum illa með færin í þessum leik og spiluðum sóknarlega mjög illa, sérstaklega í byrjun leiks. Eftir 18 mínútur voru við búnir að gera fjögur mörk, ÍBV virkilega komnir inn í leikinn og því á brattann að sækja fyrir okkur. Með smá heppni í seinni hálfleik hefðum við getað komist betur inn í leikinn, sérstaklega í stöðunni 23-19 þegar við eigum tvö góð færi sem við förum illa með. Hefðum við nýtt þau færi held ég að þetta hefði getað endað öðruvísi hér í kvöld," sagði Júlíus Jónasson þjálfari ÍR í leikslok sem virtist vera talsvert óánægður með dómsgæsluna á hliðarlínunni? " Ég held að þetta sé bara eins og gerist á útivöllum og þegar ég tala um útivelli þá er ég að tala um hér og á Akureyri. Ef maður fær eðlilega dómsgæslu þá virkar það allt öðruvísi. Ég var mjög óánægður með mörg atriði í dómgæslunni það er alveg rétt en ég ætla ekki að fara neitt ítarlega í það hérna. Það er hörkuleikur framundan á heimavelli okkar og við ætlum okkur að klára það og koma hingað til Eyja aftur," sagði Júlíus Jónasson þjálfari ÍR í leikslok: "Þetta var alveg frábært að vinna þetta hérna í kvöld og nú ætlum við að klára þetta í tveimur leikjum og fá gott frí áður en við mætum Val eða Haukum. Við komum vel undirbúnir fyrir þennan leik og vorum búnir að kortleggja þá vel, og þeir eflaust okkur. Við virtumst hins vegar vera vel stemmdari í upphafi og með svona stuðning eins og var frá áhorfendum eigum við ekki að geta tapað. Það var óþarfi að hleypa þessu í svona spennu en lokatölurnar eru það sem skiptir máli og það var frábært að klára þetta, sagði Svavar Vignisson fyrirliði ÍBV eftir leikinn. Tölfræðin úr leiknum:ÍBV-ÍR 30-29 (15-12)Mörk ÍBV: (Skot) Sigurður Ari Stefánsson 8 (16), Tite Kalandaze 7 (14), Samúel Ívar Árnason 5/2 (11/4), Zoltan Belany 4/1(6/1), Robert Bognar 3 (7), Grétar Eyþórsson 2 (4), Svavar Vignisson 1 (2), Björgvin Rúnarsson 0 (1), Andrej Adzic 0 (1). Varin skot: Roland Valur Eradze 22 (af 50/5, 44%), Jóhann Guðmundsson 0 (af 1/1, 0%). Mörk ÍR: Hannes Jón Jónsson 8/5 (12/5), Bjarni Fritzson 7 (11), Ólafur Sigurjónsson 4/1 (8/1), Ragnar Már Helgason 3 (4), Fannar Örn Þorbjörnsson 3 (8), Ingimundur Ingimundarson 2 (7), Ísleifur Sigurðsson 1 (2), Tryggvi Haraldsson 1 (4) Varin skot: Hreiðar Guðmundsson 4/1 (15/3, 27%), Ólafur Gíslason 11 (30/2, 37%).%).