Óvænt tap AC Milan í Serie A

Juventus læddi sér á topp ítölsku 1. deildarinnar í knattspyrnu í dag, Serie A, eftir 5-2 sigur á Lecce á meðan AC Milan missteig sig í toppbaráttunni og tapaði óvænt fyrir Siena, 2-1. Hernan Crespo kom Milan yfir á 63. mínútu en heimamenn náðu að jafna 9 mínútum síðar og Francesco Cozza skoraði sigurmark þeirra 5 mínútum fyrir leikslok. Leikmenn Juventus áttu ekki í vandræðum með Lecce þar sem Svíinn Zlatan Ibrahimovic skoraði þrennu en Stephen Appiah og Pavel Nedved settu eitt mark hvor áður en fyrrverandi leikmaður Chelsea, Samuele Dalla Bona minnkaði muninn úr vítaspyrnu undir lokin. Inter Milan sem er í 3. sæti vann 2-0 sigur á Cagliari og er 13 stigum á eftir toppliði Juve. Jose Marcello Ze Maria og Obafemi Martins skoruðu fyrir Inter. Juventus er efst með 70 stig en AC Milan kemur 3 stigum á eftir með 67 stig.