Seinni leikur Hauka í dag

Íslandsmeistarar Hauka í handbolta áttu ekki í neinum vandræðum með að leggja Brechem frá Lúxemborg að velli í fyrri leik liðanna um sæti í meistaradeild. Haukarnir unnu 34-25 í Lúxemborg en liðin eigast við á sama stað í dag. Andri Stefan skoraði 10 mörk, Jón Karl Björnsson 8 og Árni Sigryggsson 7. Haukar ættu að eiga greiða leið í meistaradeildina en þar verða þeir í riðli með danska liðinu Arhus, slóvenska liðinu Gronetsch og Merano frá Ítalíu. Valur mætir HC Tiblisi frá Georgíu í fyrri leiknum í 1. umferð Evrópukeppni félagsliða í dag. Leikurinn verður í Laugardalshöll klukkan 17 og er aðgangur ókeypis.