Engin værukærð gegn Man. Utd.

Leikmenn ítalska knattspyrnuliðsins AC Milan ætla sér að halda einbeitingunni í lagi fyrir seinni leikinn gegn Manchester United í Meistaradeild Evrópu. Milan er með 1-0 forystu eftir að hafa unnið fyrri leikinn sem fram fór á Old Trafford þar sem Hernan Crespo skoraði sigurmarkið. Paulo Maldini, fyrirliði AC Milan, hefur varað sína menn við værukærð. "Við getum ekki lagst í vörn og reynt að halda eins marks forystu," sagði Maldini. "Við verðum að spila eins og við gerðum í fyrri leiknum. Þannig leikur mun fleyta okkur áfram." Seinni viðureign liðanna er á þriðjudaginn á San Siro leikvanginum í Mílan.