Rússar og Slóvenar unnu

Leikjunum í B-riðli Íslands á HM í handbolta í Túnis er nú lokið. Rússar sigruðu Alsír, 28-22 og Slóvenar völtuðu yfir Kúvæt, 34-17. Eins og fram hefur komið gerðu Ísland og Tékkland jafntefli fyrr í dag, 34-34 og eru því jöfn í 3.-4. sæti eftir fyrstu umferð með eitt stig. Slóvenía er efst með 2 stig, Rússar í öðru sæti, Alsír í fimmta sæti með ekkert stig og Kúvæt neðst sömuleiðis án stiga og lökustu markatöluna. Næstu leikir fara fram á þriðjudag en þá leikur Ísland við topplið Slóvena, Alsír við Tékkland og Kúvætar mæta Rússum.