Þingið vék fyrir alþjóðavæðingunni 24. ágúst 2005 00:01 :Ásgeir Friðgeirsson hefur undanfarin misseri unnið sem ráðgjafi í almannatengslum fyrir ýmis fyrirtæki. Mest áberandi hafa verið fyrirtæki Björgólfsfeðga og Magnúsar Þorsteinssonar sem saman áttu Samson, sem keypti kjölfestuhlut ríkisins í Landsbankanum. Ásgeir átti þess kost við brotthvarf Guðmundar Árna Stefánssonar að setjast á þing. Eftir nokkra umhugsun ákvað hann að halda áfram að vinna að ráðgjöf á sístækkandi leikvelli viðskiptavina sinna. B5 er tiltölulega nýr staður og matseðillinn lofar góðu. Ásgeir fær sér þorsk og ég lambaskanka. "Við erum þjóðlegir í valinu," segir Ásgeir. Þorskurinn og lambið héldu þjóðinni á floti í harðbýlu landi og voru um langt skeið aðal lífsbjörg þjóðarinnar. Nú eru aðrir tímar. Ásgeir hefur verið ráðgjafi Björgólfsfeðga frá því á seinni hluta söluferlis Landsbankans. "Ég hafði fengist við almannatengslaráðgjöf áður á síðasta áratug. Ég var sannfærður um að framtíð fjölmiðlunar lægi á internetinu og var í biðstöðu meðan ég reyndi að fá menn að slíkum verkefnum, þá tók ég að mér ráðgjöf." Síðan tók netið við en Ásgeir var ritstjóri strik.is. Eins og oft er með nýja hluti, þá var bjartsýnin of mikil um allan heim og skrefin stigin helst til snemma. Strik mátti þola sömu örlög og margar góðar hugmyndir. Netbólan sprakk og dagar margra slíkra fyrirtækja voru taldir. "Ég var aðeins farinn að sinna ráðgjöf undir lok tímabilsins, þegar Björgólfur Guðmundsson setti sig í samband við mig." @.mfyr:Kynntist Björgólfi í kirkjunni<P> Ásgeir var í námi í Bretlandi og á sama tíma var Björgólfur búsettur þar. "Ég tók þátt í starfi Íslendingafélgasins, var formaður þess um tíma og söng í kirkjukór. Þau hjón voru þá, eins og nú kirkjurækin. Þá kynntist ég þeim hjónum. Svo lágu leiðir okkar saman þegar hann var að sinna íþróttafélagi vestur í bæ sem ég vil helst ekki nefna á nafn, þá var ég formaður í Breiðbliki." Ásgeir segist alltaf hafa starfað sjálfstætt og verkefnin hafi verið slitrótt til að byrja með. Ekki leið þó á löngu eftir að Samson hafði eignast kjölfestuhlut í Landsbankanum að hjólin færu að snúast og það hratt. Umfangsmestu eignatilfærslur íslenskrar viðskiptasögu voru fram undan. "Það er ákveðin þungamiðja í þessum verkefnum. Það er augljóst að árið 2003 var þungamiðjan hér heima. Miklar breytingar á Landsbankanum, fjárfesting í SH og síðar í Eimskip og umbreyting á því félagi. Fyrst með sölu Brims, síðan skipafélaginu og nú síðast sameining við Landsbankann og Straum Burðarás. Þetta hefur í raun verið eitt samfellt ferðalag. Ég held að menn munu sjá það þegar fram í sækir að markmiðið hefur ekki verið að byggja upp fyrirtæki sem gína yfir öllu á Íslandi, eins og einhverjir hafa viljað í láta í veðri vaka." Ásgeir segir að yfir sama tímabil hafi þungamiðjan hjá Burðarási og Björgólfi Thor verið á leiðinni út. "Það sést best á því að á síðustu tveimur árum hefur verið fjárfest í fjórum símafélögum í jafnmörgum löndum og svo fjárfestingar Burðaráss á Norðurlöndum. Burðarás er orðið þekkt félag á þeim mörkuðum." @.mfyr:Hringurinn sex til sjö ár<P> Ásgeir segir að samhliða því að sinna vel samskiptum við hluthafa og almenning á Íslandi til þess að tryggja að ekki væri á ferð misskilningur um markmiðin hafi þurft að byggja upp tengslanet erlendis. "Það sýndu margir áhuga á að misskilja hvað vakti fyrir mönnum." Verkefnin hafa vaxið og Ásgeir ver sífellt meira af tíma sínum við erlend verkefni viðskiptavinanna. "Ég ákvað að byggja ekki upp fyrirtæki í kringum þetta, heldur vera sjálfstæður ráðgjafi. Það var markviss ákvörðun, því ég sá það fyrir mér að ég myndi sennilega enda sem sölumaður á vinnu annarra." Verkefni Ásgeirs fyrir feðgana og Magnús Þorsteinsson voru ekki orðin svo mikil þegar Ásgeir fór í prófkjör Samfylkingarinnar og náði góðri kosningu og varaþingmannssæti. "Ég var á tímamótum, búinn að vera á kafi í internetinu í sex til sjö ár. Mér sýnist það reyndar vera hringurinn hjá mér. Ég var svipaðan tíma í Bretlandi, líka sex til sjö ár á Iceland Review og svo á netinu." Ásgeir er því ekki hálfnaður með hringinn í suðupotti alþjóðavæðingar viðskiptanna. "Það var augljós hætta á hagsmunaárekstri við það að setjast á þing sem varð til þess að mér fannst ekki koma til greina að vera að sinna því sem ég er að gera samhliða því að vera á þingi eins og hefur verið venjan ef menn eru til dæmis í útgerð eða bændur," segir Ásgeir og brosir. "Það þykir allt í lagi," bætir hann við. @.mfyr:Blair og Blikarnir<P> Þótt áhuginn á þjóðmálum sé mikill, þá toguðu verkefnin meira í hann. "Þetta áhugaverða viðfangsefni sem ég er að fara að takast á við er að byggja upp, það sem við skulum kalla tengslanet í útlöndum. Alþjóðlegt fyrirbæri sem vinnur í þeim löndum sem Íslendingar hafa verið að fjárfesta og sérhæfir sig í fjármála- og fjarskiptafyrirtækjum." Þetta eru þeir geirar sem Björgólfur Thor hefur lagt mesta áherslu á. Ásgeir segir að þetta gefi síðan tækifæri til að vinna fyrir erlend fyrirtæki í sömu greinum sem hafi áhuga á að afla nýrra viðskiptatengsla í Íslandi. "Það er einmitt það sem þessi mikla umfjöllun um Ísland hefur leitt af sér að við erum miklu meira inni á radarnum hjá erlendum fjárfestum, en þjóðir miklu stærri en við." Áhugi Ásgeirs á þjóðmálum og félagsmálum hefur alltaf verið mikill, auk þess sem hann skilgreinir sig sem fjölmiðlafíkil. "Áhuginn á pólitík er enn þá mikill. Mér finnst ég samt meira á heimavelli sem ráðgjafi en sem stjórnmálamaður." Hann fylgist mikið með breskum stjórnmálum. "Samfélagið hefur gjörbreyst frá því ég var þarna í námi, þá setti atvinnuleysið mikinn svip á samfélagið. Ég segi ekki að breytingin sé Tony Blair að þakka, hann naut ýmissa verka Margrétar Thatcher eins og núverandi ríkisstjórn hefur notið framsýni Jóns Baldvins og kratanna." Annar heimavöllur er heimavöllur Breiðabliks. "Þar er ég hitti ég gamla félaga og finn fyrir rótunum í Kópavogi," segir Ásgeir sem mun fylgjast með sínum mönnum í efstu deild að ári. Hádegisverðurinn Mest lesið Ný verslun nærri þúsund fermetrum stærri en sú gamla Neytendur Melabúðarbræður með hálfan milljarð í fyrra Viðskipti innlent Samherjahjónin fyrrverandi langtekjuhæst Viðskipti innlent Hvað þurfum við að eiga mikið til að geta hætt að vinna? Viðskipti innlent Skattakóngurinn flytur úr landi Viðskipti innlent Pósturinn hættir að senda til Bandaríkjanna: Geti ekki sett fimmtán prósenta toll á allt Viðskipti innlent Framkvæmdastjóri Smáríkisins ákærður Viðskipti innlent Setja tvo milljarða til í fiskeldið sem tapar hundruðum milljóna Viðskipti innlent Framtíð tannlækninga og gervigreindar – kynntu þér Oraxs Samstarf Verðmunur getur verið allt að 28 prósent Neytendur Fleiri fréttir Pósturinn hættir að senda til Bandaríkjanna: Geti ekki sett fimmtán prósenta toll á allt Melabúðarbræður með hálfan milljarð í fyrra Framkvæmdastjóri Smáríkisins ákærður Pósturinn hættir að senda til Bandaríkjanna á mánudaginn Samherjahjónin fyrrverandi langtekjuhæst Kannast ekki við „lífróður“ Heimildarinnar sem fækkar útgáfudögum Skattakóngurinn flytur úr landi Setja tvo milljarða til í fiskeldið sem tapar hundruðum milljóna „Framboð á markaði er ekki það sem neytendur vilja kaupa“ Móðurfélag útgefanda Moggans tapaði hundruðum milljóna Segir háa stýrivexti bitna á ákveðnum hópi og boðar aðhald í fjárlagafrumvarpi Keyra á orkudrykkjamarkaðinn Kaupa Gompute „Ég bið almenning að hafa þolinmæði með okkur“ Ósáttir með ákvörðun peningastefnunefndar Muni ekki hika við að hækka vexti Sektað fyrir að auglýsa of mikið fyrir Áramótaskaupið Kristján og Leó kaupa fyrrverandi höfuðstöðvar Landsvirkjunar Endurbættur Kaffivagn opnar aftur í dag Gleðiefni að fjármálaráðherri tali um aðhald í ríkisfjármálum Bein útsending: Rökstyðja stýrivaxtaákvörðunina Seðlabankinn heldur stýrivöxtunum óbreyttum Ráðin til Fossa fjárfestingarbanka Birta nýja ákvörðun um stýrivexti í dag Hvað þurfum við að eiga mikið til að geta hætt að vinna? Herra Hnetusmjör tekjuhæstur í Iceguys Sante fer í hart við Heinemann Davíð trónir enn og aftur á toppnum Runólfur á toppi tekjulistans yfir launahæstu embættismennina og forstjórana Ólafur Ragnar með rúma milljón meira en næsti maður Sjá meira
:Ásgeir Friðgeirsson hefur undanfarin misseri unnið sem ráðgjafi í almannatengslum fyrir ýmis fyrirtæki. Mest áberandi hafa verið fyrirtæki Björgólfsfeðga og Magnúsar Þorsteinssonar sem saman áttu Samson, sem keypti kjölfestuhlut ríkisins í Landsbankanum. Ásgeir átti þess kost við brotthvarf Guðmundar Árna Stefánssonar að setjast á þing. Eftir nokkra umhugsun ákvað hann að halda áfram að vinna að ráðgjöf á sístækkandi leikvelli viðskiptavina sinna. B5 er tiltölulega nýr staður og matseðillinn lofar góðu. Ásgeir fær sér þorsk og ég lambaskanka. "Við erum þjóðlegir í valinu," segir Ásgeir. Þorskurinn og lambið héldu þjóðinni á floti í harðbýlu landi og voru um langt skeið aðal lífsbjörg þjóðarinnar. Nú eru aðrir tímar. Ásgeir hefur verið ráðgjafi Björgólfsfeðga frá því á seinni hluta söluferlis Landsbankans. "Ég hafði fengist við almannatengslaráðgjöf áður á síðasta áratug. Ég var sannfærður um að framtíð fjölmiðlunar lægi á internetinu og var í biðstöðu meðan ég reyndi að fá menn að slíkum verkefnum, þá tók ég að mér ráðgjöf." Síðan tók netið við en Ásgeir var ritstjóri strik.is. Eins og oft er með nýja hluti, þá var bjartsýnin of mikil um allan heim og skrefin stigin helst til snemma. Strik mátti þola sömu örlög og margar góðar hugmyndir. Netbólan sprakk og dagar margra slíkra fyrirtækja voru taldir. "Ég var aðeins farinn að sinna ráðgjöf undir lok tímabilsins, þegar Björgólfur Guðmundsson setti sig í samband við mig." @.mfyr:Kynntist Björgólfi í kirkjunni<P> Ásgeir var í námi í Bretlandi og á sama tíma var Björgólfur búsettur þar. "Ég tók þátt í starfi Íslendingafélgasins, var formaður þess um tíma og söng í kirkjukór. Þau hjón voru þá, eins og nú kirkjurækin. Þá kynntist ég þeim hjónum. Svo lágu leiðir okkar saman þegar hann var að sinna íþróttafélagi vestur í bæ sem ég vil helst ekki nefna á nafn, þá var ég formaður í Breiðbliki." Ásgeir segist alltaf hafa starfað sjálfstætt og verkefnin hafi verið slitrótt til að byrja með. Ekki leið þó á löngu eftir að Samson hafði eignast kjölfestuhlut í Landsbankanum að hjólin færu að snúast og það hratt. Umfangsmestu eignatilfærslur íslenskrar viðskiptasögu voru fram undan. "Það er ákveðin þungamiðja í þessum verkefnum. Það er augljóst að árið 2003 var þungamiðjan hér heima. Miklar breytingar á Landsbankanum, fjárfesting í SH og síðar í Eimskip og umbreyting á því félagi. Fyrst með sölu Brims, síðan skipafélaginu og nú síðast sameining við Landsbankann og Straum Burðarás. Þetta hefur í raun verið eitt samfellt ferðalag. Ég held að menn munu sjá það þegar fram í sækir að markmiðið hefur ekki verið að byggja upp fyrirtæki sem gína yfir öllu á Íslandi, eins og einhverjir hafa viljað í láta í veðri vaka." Ásgeir segir að yfir sama tímabil hafi þungamiðjan hjá Burðarási og Björgólfi Thor verið á leiðinni út. "Það sést best á því að á síðustu tveimur árum hefur verið fjárfest í fjórum símafélögum í jafnmörgum löndum og svo fjárfestingar Burðaráss á Norðurlöndum. Burðarás er orðið þekkt félag á þeim mörkuðum." @.mfyr:Hringurinn sex til sjö ár<P> Ásgeir segir að samhliða því að sinna vel samskiptum við hluthafa og almenning á Íslandi til þess að tryggja að ekki væri á ferð misskilningur um markmiðin hafi þurft að byggja upp tengslanet erlendis. "Það sýndu margir áhuga á að misskilja hvað vakti fyrir mönnum." Verkefnin hafa vaxið og Ásgeir ver sífellt meira af tíma sínum við erlend verkefni viðskiptavinanna. "Ég ákvað að byggja ekki upp fyrirtæki í kringum þetta, heldur vera sjálfstæður ráðgjafi. Það var markviss ákvörðun, því ég sá það fyrir mér að ég myndi sennilega enda sem sölumaður á vinnu annarra." Verkefni Ásgeirs fyrir feðgana og Magnús Þorsteinsson voru ekki orðin svo mikil þegar Ásgeir fór í prófkjör Samfylkingarinnar og náði góðri kosningu og varaþingmannssæti. "Ég var á tímamótum, búinn að vera á kafi í internetinu í sex til sjö ár. Mér sýnist það reyndar vera hringurinn hjá mér. Ég var svipaðan tíma í Bretlandi, líka sex til sjö ár á Iceland Review og svo á netinu." Ásgeir er því ekki hálfnaður með hringinn í suðupotti alþjóðavæðingar viðskiptanna. "Það var augljós hætta á hagsmunaárekstri við það að setjast á þing sem varð til þess að mér fannst ekki koma til greina að vera að sinna því sem ég er að gera samhliða því að vera á þingi eins og hefur verið venjan ef menn eru til dæmis í útgerð eða bændur," segir Ásgeir og brosir. "Það þykir allt í lagi," bætir hann við. @.mfyr:Blair og Blikarnir<P> Þótt áhuginn á þjóðmálum sé mikill, þá toguðu verkefnin meira í hann. "Þetta áhugaverða viðfangsefni sem ég er að fara að takast á við er að byggja upp, það sem við skulum kalla tengslanet í útlöndum. Alþjóðlegt fyrirbæri sem vinnur í þeim löndum sem Íslendingar hafa verið að fjárfesta og sérhæfir sig í fjármála- og fjarskiptafyrirtækjum." Þetta eru þeir geirar sem Björgólfur Thor hefur lagt mesta áherslu á. Ásgeir segir að þetta gefi síðan tækifæri til að vinna fyrir erlend fyrirtæki í sömu greinum sem hafi áhuga á að afla nýrra viðskiptatengsla í Íslandi. "Það er einmitt það sem þessi mikla umfjöllun um Ísland hefur leitt af sér að við erum miklu meira inni á radarnum hjá erlendum fjárfestum, en þjóðir miklu stærri en við." Áhugi Ásgeirs á þjóðmálum og félagsmálum hefur alltaf verið mikill, auk þess sem hann skilgreinir sig sem fjölmiðlafíkil. "Áhuginn á pólitík er enn þá mikill. Mér finnst ég samt meira á heimavelli sem ráðgjafi en sem stjórnmálamaður." Hann fylgist mikið með breskum stjórnmálum. "Samfélagið hefur gjörbreyst frá því ég var þarna í námi, þá setti atvinnuleysið mikinn svip á samfélagið. Ég segi ekki að breytingin sé Tony Blair að þakka, hann naut ýmissa verka Margrétar Thatcher eins og núverandi ríkisstjórn hefur notið framsýni Jóns Baldvins og kratanna." Annar heimavöllur er heimavöllur Breiðabliks. "Þar er ég hitti ég gamla félaga og finn fyrir rótunum í Kópavogi," segir Ásgeir sem mun fylgjast með sínum mönnum í efstu deild að ári.
Hádegisverðurinn Mest lesið Ný verslun nærri þúsund fermetrum stærri en sú gamla Neytendur Melabúðarbræður með hálfan milljarð í fyrra Viðskipti innlent Samherjahjónin fyrrverandi langtekjuhæst Viðskipti innlent Hvað þurfum við að eiga mikið til að geta hætt að vinna? Viðskipti innlent Skattakóngurinn flytur úr landi Viðskipti innlent Pósturinn hættir að senda til Bandaríkjanna: Geti ekki sett fimmtán prósenta toll á allt Viðskipti innlent Framkvæmdastjóri Smáríkisins ákærður Viðskipti innlent Setja tvo milljarða til í fiskeldið sem tapar hundruðum milljóna Viðskipti innlent Framtíð tannlækninga og gervigreindar – kynntu þér Oraxs Samstarf Verðmunur getur verið allt að 28 prósent Neytendur Fleiri fréttir Pósturinn hættir að senda til Bandaríkjanna: Geti ekki sett fimmtán prósenta toll á allt Melabúðarbræður með hálfan milljarð í fyrra Framkvæmdastjóri Smáríkisins ákærður Pósturinn hættir að senda til Bandaríkjanna á mánudaginn Samherjahjónin fyrrverandi langtekjuhæst Kannast ekki við „lífróður“ Heimildarinnar sem fækkar útgáfudögum Skattakóngurinn flytur úr landi Setja tvo milljarða til í fiskeldið sem tapar hundruðum milljóna „Framboð á markaði er ekki það sem neytendur vilja kaupa“ Móðurfélag útgefanda Moggans tapaði hundruðum milljóna Segir háa stýrivexti bitna á ákveðnum hópi og boðar aðhald í fjárlagafrumvarpi Keyra á orkudrykkjamarkaðinn Kaupa Gompute „Ég bið almenning að hafa þolinmæði með okkur“ Ósáttir með ákvörðun peningastefnunefndar Muni ekki hika við að hækka vexti Sektað fyrir að auglýsa of mikið fyrir Áramótaskaupið Kristján og Leó kaupa fyrrverandi höfuðstöðvar Landsvirkjunar Endurbættur Kaffivagn opnar aftur í dag Gleðiefni að fjármálaráðherri tali um aðhald í ríkisfjármálum Bein útsending: Rökstyðja stýrivaxtaákvörðunina Seðlabankinn heldur stýrivöxtunum óbreyttum Ráðin til Fossa fjárfestingarbanka Birta nýja ákvörðun um stýrivexti í dag Hvað þurfum við að eiga mikið til að geta hætt að vinna? Herra Hnetusmjör tekjuhæstur í Iceguys Sante fer í hart við Heinemann Davíð trónir enn og aftur á toppnum Runólfur á toppi tekjulistans yfir launahæstu embættismennina og forstjórana Ólafur Ragnar með rúma milljón meira en næsti maður Sjá meira
Pósturinn hættir að senda til Bandaríkjanna: Geti ekki sett fimmtán prósenta toll á allt Viðskipti innlent
Pósturinn hættir að senda til Bandaríkjanna: Geti ekki sett fimmtán prósenta toll á allt Viðskipti innlent