Öryggisgæsla hert í Leifsstöð

"Það er ekki hægt að segja að viðbúnaður hér hafi verið aukinn en það var skerpt á allri öryggisgæslu í kjölfar hryðjuverkanna í London," sagði Jóhann R. Benediktsson, Sýslumaður á Keflavíkurflugvelli. Jóhann sagði að fundað hefði verið með starfsfólki strax og ljóst varð hvað gerðist í Bretlandi og ítrekað að taka harðar á ýmsum öryggisþáttum en venja er. "Þar að auki hef ég verið í sambandi við kollega mína á flugvöllum í nágrannalöndunum og við samræmt aðgerðir."