Liverpool fór létt með Leverkusen

Enska stórliðið Liverpool átti ekki í miklum erfiðleikum með Bayer Leverkusen á BayArena í kvöld og sigruðu mjög verðskuldað 1-3 og 6-2 samanlagt. Luis Garcia kom gestunum í 2-0 í fyrri hálfleik og Milan Baros skoraði þriðja markið rúmum tuttugu mínútum fyrir leikslok og leikurinn í raun búinn. Pólverjinn Jacek Krzynowek minnkaði þó muninn undir lokin en örlög Leverkusen voru þegar ráðin. Milan Baros og Steven Gerrard áttu báðir fínan leik í liði Liverpool ásamt þeim Igor Biscan og John Arne Riise, en maður leiksins var þó vafalaust Stephen Warnock sem spilaði í vinstri bakverðinum og lék nánast óaðfinnanlega. Leikmenn Leverkusen komust aldrei framhjá honum og hjálpaði hann einnig vel við sóknarleikinn.