Stakk mann í ölæði

35 ára kona hefur játað að hafa stungið sambýlismann sinn í bakið á Kleppsvegi um klukkan fjögur í fyrrinótt. Hann var fluttur á sjúkrahús eftir hnífsstunguna sem fór í herðablað hans og féll annað lunga hans saman. Maðurinn hringdi sjálfur í neyðarlínuna og komu sjúkralið og lögregla á staðinn. Sambýliskona hans var handtekin á heimili þeirra við Kleppsveg skömmu síðar. Henni var sleppt að loknum yfirheyrslum. Bæði konan og maðurinn voru í annarlegu ástandi þegar hún stakk hann í ölæði. Þau hafa oft komið við sögu lögreglu. Maðurinn er enn á sjúkrahúsi en hann slasaðist ekki lífshættulega, talið er að hann útskrifist í dag eða á morgun.