Jólaföndur í Vesturbæjarskóla

2. desember 2004 00:01

Mikil jólastemning var á hinu árlega jólaföndri Vesturbæjarskóla þegar allir sem vettlingi gátu valdið mættu í góðu jólaskapi. Börnin máluðu á fallegar jólakúlur af mikilli natni og héldu uppi góðum anda með því að skemmta sjálfum sér og öðrum. Krakkarnir í sjöunda bekk voru með kaffisölu á staðnum þar sem þau smurðu brauð, hituðu kakó og seldu gegn vægu verði. Nokkrir drengir í sjöunda bekk seldu heimatilbúin kerti svo eitthvað sé nefnt en nóg var um að vera í skólanum. Krakkarnir hlakka auðvitað flestir mikið til jólanna og bjartsýni og góða jólaskapið tók völdin á jólaföndrinu þrátt fyrir nokkuð stormasaman skólavetur.

Jól

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.