Jól

Jólaþorp í Hafnarfirði

Jólastemmning réð ríkjum í Hafnarfirði í dag þegar jólaþorpið þar var opnað. Hefðbundinn, evrópskur jólamarkaður verður í miðbænum allar helgar fram að jólum. Í tuttugu litlum tréhúsum er seldur ýmiskonar jólavarningur, gjafavörur frá Karmelsystrum, pólskt jólaskraut, íslenskt handverk og fjöldamargt fleira. Fyrirmyndin er sótt til þýskra jólamarkaða, sem settir eru upp í hverjum bæ og þorpi í desembermánuði og eru stór hluti þýskrar jólahefðar. Þó að jólamarkaður Hafnfirðinga sé mun minni en þeir markaðir, svífur sami andinn yfir vötnum. Jólaskreytingar eru hátt og lágt og jólaljós úti um allt. Í dag voru líka tendruð ljósin á jólatrénu frá vinabæ Hafnarfjarðar, Fredriksberg, og jólasveinarnir mættu ásamt ættingjum til að skemmta og skelfa börnin í bland. Markaðurinn verður opinn frá hádegi til klukkan sex helgarnar fram að jólum.


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.



×