Kennsla í gerð aðventukransa

24. nóvember 2004 00:01

Jólaskreytinganámskeið Garðyrkjuskólans verða tvö í ár, bæði haldin í húsakynnum skólans að Reykjum í Hveragerði. Hið fyrra verður laugardaginn 27. nóvember og hitt laugardaginn 4. desember og standa þau bæði frá kl. 10 til 16. Leiðbeinandi verður Júlíana Rannveig Einarsdóttir, fagdeildarstjóri á blómaskreytingabraut skólans. Á fyrra námskeiðinu útbúa þátttakendur aðventukransa og jólaskreytingar og 4. desember verða hurðaskreytingar og jólaskreytingar teknar fyrir. Þátttökugjald er kr. 7.500 og verður pizzuveisla í hádeginu. Greiða þarf 3.500 króna staðfestingargjald við skráningu sem er óendurkræft en fjölmörg stéttarfélög taka þátt í greiðslu námskeiðsgjalda sem þessa. Skráning og nánari upplýsingar um námskeiðin fást á skrifstofu skólans í síma 480-4300 eða hjá endurmenntunarstjóra í síma 480-4305 og í netfanginu mhh@reykir.is

Jól

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.