Miðasala á Sailesh hefst 11. ágúst

Miðasala á sýningu grín-dávaldsins Sailesh hefst í verslun Skífunnar Laugavegi 26 miðvikudaginn 11. ágúst. Sailesh kemur hingað til lands í haust og heldur sýningu á Broadway, 24. september.

MTV kallar hann "fyndnasta óritskoðaða dávald á jörðinni", hann er frægur fyrir að geta látið fólk fá fullnægingu með þvi einu að taka í höndina á þvi og sýningunni hans hefur verið hælt á hvert reipi af fjölmiðlum í Bandaríkjunum sem nýrri tegund af skemmtun.

Sýningin er engu lík; tvær og hálf klukkustund af ótrúlegum uppákomum þar sem áhorfendur verða að stjörnum sýningarinnar fyrir framan vini og vandamenn, sem gráta af hlátri, við að sjá félaga sína fara á kostum á sviðinu. Plötusnúðurinn Greg Kusiak er partur af sýningunni og spilar dúndurtónlist á réttu stöðunum og tekur þar með brandarana á næsta stig. Krafturinn og atemmningin meðal áhorfenda er slík að margir líkja sýningunni helst við magnaða rokktónleika eins og þeir gerast bestir.

Sýningin er bönnuð innan 18 ára og aðeins um 1000 miðar verða í boði.

Miðasala á grín-dávaldinn Sailesh hefst miðvikudaginn 11. ágúst.

Miðasalan fer eingöngu fram í Skífunni Laugavegi 26.

Síminn þar er 525 5040 og opnunartími er 10-22 á virkum dögum.