Mel Gibson áhrifamesta stjarnan

Mel Gibson er áhrifamesti maðurinn í skemmtanabransanum samkvæmt nýjum lista tímaritsins Forbes. Til marks um hversu hverfult lífið er í skemmtanabransanum eru fjörutíu prósent þeirra, sem komust á listann í fyrra, ekki þar í ár. Þeirra á meðal má nefna þau Ben Affleck og Jennifer Lopez sem voru frægt par og vinsælir leikarar fyrir ári. Nú eru þau ekki saman og myndirnar þeirra ganga hörmulega og því komust þau ekki á listann. Á topp tíu eru annars auk Gibsons, Tiger Woods, Oprah Winfrey, Tom Cruise, Rolling Stones, J.K. Rowling, Michael Jordan, Bruce Springsteen, Steven Spielberg og Johnny Depp.