Óvenju mikið um fíkniefni

Óvenjumörg fíkniefnamál komu til kasta lögreglunnar í Hafnarfirði um helgina. Um klukkan 16.30 á laugardag voru þrír piltar í bíl stöðvaðir. Í ljós kom að allir voru með kannabisefni á sér og farþegarnir tveir undir áhrifum. Piltarnir gengust við efnunum og var sleppt að yfirheyslunni lokinni. Klukkan 22.30 var ökumaður stöðvaður og reyndist hann með nokkur grömm af kannabisefnum á sér. Aðfaranótt sunnudags voru svo tveir ökumenn til viðbótar stöðvaðir og var hvor um sig með gramm af amfetamíni í fórum sínum. Í öllum tilfellum er talið að um efni til einkaneyslu hafi verið að ræða og mönnunum sleppt að yfirheyrslum loknum. Málin teljast upplýst