Krufning staðfestir grun lögreglu

Bráðabirgðaniðurstöður krufningar vegna manndrápsins í Hamraborg í fyrrinótt staðfesta grun lögreglunnar um dánarorsök. Kona sem banað var lést eftir að eiginmaður hennar þrengdi að öndunarvegi hennar þannig að hún lést. Hann er nú í gæsluvarðhaldi og verður yfirheyrður betur en hann hefur þegar játað að hafa orðið eiginkonu sinni að bana. Lögreglan hefur í dag og í gær tekið skýrslur af þeim sem talið er að geti varpað ljósi á málið en lögregla sagði að ástæða verknaðarins lægi ekki óyggjandi fyrir.