Hagnaður Bakkavarar 1,5 milljarðar

Hagnaður Bakkavarar fyrstu níu mánuði ársins var 1.470 milljónir króna fyrir skatta, en 522 milljónir króna eftir skatta, og er það bati upp á 43% frá síðasta ári. Hagnaður fyrir afskriftir og fjármagnsliði nam 768 milljónum króna á móti 671 milljón króna á sama tímabili í fyrra. Veltufé frá rekstri var 537 milljónir króna. Þess má geta að ákveðið hefur verið að flytja fjármálaskrifstofu fyrirtækisins til Íslands, opna nýja verksmiðju í London og hefja starfsemi í Asíu.