Klesstu stolinn bíl

Lögreglan í Reykjavík handtók þrjá menn um tvítugt á aðfaranótt sunnudags. Mennirnir eru grunaðir um að hafa stolið bifreiðinni sem þeir voru á, auk ýmissa muna úr fyrirtæki í Hafnarfirði. Ökuferð ungu mannanna endaði á ljósastaur í Breiðholti og er bíllinn talinn stórskemmdur eftir. Að sögn lögreglu reyndu þeir að flýja af vettvangi en voru handteknir skammt frá slysstað eftir ábendingar frá vegfarendum sem til þeirra sáu. Ránsfengur úr innbrotinu í Hafnarfirði fannst í bílnum. Mennirnir voru allir undir áhrifum áfengis.