Innherji
Spá stórri vaxtahækkun til að ná aðhaldinu á ný upp í „æskilegt stig“
Trúverðugleiki peningastefnunnar er „mjög laskaður“ eftir lang tímabil þar sem verðbólgan hefur verið umfram markmið og nefndin mun sennilega vilja ná fram sama aðhaldi og var áður en verðbólgan fór að rísa á nýjan leik undir lok síðasta árs, að mati hagfræðinga IFS, sem spá því að vextir hækki um fimmtíu punkta í næstu viku.
Auglýsingasala gefur byr í seglinn hjá Símanum þrátt fyrir kólnandi hagkerfi
Þótt það sé tekið að hægja á umsvifum í hagkerfinu þá hefur auglýsingasalan hjá Símanum verið á „skriði“, að sögn hlutabréfagreinanda, og væntingar um að þær tekjur muni halda áfram að vaxa umfram hagvöxt en fjárfestum er ráðlagt að bæta við sig bréfum í félaginu. Vakin er athygli á því að við áformuð kaup á miðlum Sýnar þá fylgir með skattalegur afskriftastofn sem er sagður sambærilegur verðmiðanum á félaginu.
Nefndin „verður“ að hækka aftur vexti vilji hún viðhalda trúverðugleika sínum
Við núverandi aðstæður þarf peningastefnunefnd Seðlabankans að senda skýr skilaboð til viðhalda trúverðugleika sínum, að sögn greinenda Acro, en ljóst er að verðbólguhorfur hafa ekki batnað frá síðustu vaxtahækkun fyrir tveimur mánuðum. Þeir telja líklegast að vextir hækki um 25 punkta í næstu viku, en alls ekki sé hægt að útiloka enn stærra skref.
„Greinileg“ merki um að innlend eftirspurn sé að gefa eftir
Eftirspurn innanlands er „greinilega veik“ um þessar mundir og ýmsar hagtölur sýna að sú þróun virðist vera að styrkjast, meðal annars þegar kemur að kortaveltu, að mati greinenda IFS sem telja samt að verðbólgan muni hækka lítillega í maímánuði.
Arðsemi Kviku nálgast markmið með væntanlegri stórri arðgreiðslu
Afkoma Kviku batnaði nokkuð á fyrsta fjórðungi, einkum drifin áfram af auknum vaxtatekjum samhliða kröftugum lánavexti í Bretlandi og lægri fjármagnskostnaði, og að teknu tilliti til væntanlegrar stórrar arðgreiðslu til hluthafa er bankinn að nálgast markmið sitt um tuttugu prósenta arðsemi. Bankastjóri Kviku segir mikinn samdrátt í veltu á hlutabréfamarkaði vera „áhyggjuefni“ og þá héldu lífeyrissjóðir áfram að taka eignir sína úr stýringu bankans.
Sænska félagið AGRD Partners fjárfestir í BBA//Fjeldco
Félagið AGRD Partners, sem hefur vaxið hratt á sænska lögfræðimarkaðinum, hefur klárað fjárfestingu í BBA//Fjeldco, einni umsvifamestu lögmannsstofu landsins undanfarin ár. AGRD er að meirihluta í eigu norræna sjóðastýringarfélagsins Axcel en kaupin á BBA//Fjeldco eru önnur fjárfesting sjóðsins á Íslandi á skömmum tíma.
Sennilegt að gjaldeyriskaupin miði að því að halda aftur af styrkingu krónunnar
Ekki er að sjá að mikil þörf sé á því að stækka gjaldeyrisforða Seðlabankans um þessar mundir, að sögn sérfræðings á gjaldeyrismarkaði, sem telur sennilegra að áform bankans um að hefja á nýjan leik regluleg gjaldeyriskaup miði að því að halda aftur af gengisstyrkingu krónunnar. Markaðurinn ætti að eiga auðvelt með að mæta þessari gjaldeyriseftirspurn hjá Seðlabankanum á komandi mánuðum.
Eyrir fjárfestir í hollensku landeldisfyrirtæki og verður stærsti hluthafinn
Nýtt félag sem Eyrir sem hefur stofnað, með áherslu á fjárfestingar í landeldisfyrirtækjum á síðari stigum sprotaþróunar eða á fyrstu vaxtarskeiðum sínum, hefur klárað sína fyrstu fjárfestingu í hollenska fiskeldisfyrirtækinu Kingfish. Félag Eyris, leitt af Árna Odda Þórðarsyni, hefur skuldbundið sig til að leggja fyrirtækinu til um fimmtán milljónir evra samhliða víðtækri fjárhagslegri endurskipulagningu og verður í framhaldinu stærsti hluthafinn.
Skák og mát í Íran
Bandaríkin geta hvorki snúið við né stjórnað afleiðingunum af því að tapa þessu stríði við Íran.
Hækka verðmat á Oculis um fjórðung samhliða minni áhættu við lykilrannsókn
Með nýju samkomulagi sem Oculis hefur gert við FDA vegna lykilrannsóknar sem snýr að þróun lyfs til meðhöndlunar við sjóntaugbólgu dregur meðal annars mjög úr reglugerðaráhættu, að sögn bandarískra greinenda, og hefur verðmat á félaginu verið hækkað um nærri fjórðung.
Afkoma Alvotech nokkuð undir væntingum og „sjóðsstaða þrengist“
Bæði tekjur og rekstrarhagnaður Alvotech á fyrsta fjórðungi var talsvert undir meðalspá greinenda en þar hefur meðal annars áhrif, að sögn stjórnenda, að hægja þurfti á framleiðslu vegna úrbóta á verksmiðjunni. Gengi bréfa Alvotech hríðlækkaði við opnun markaða en greinendur benda á að lausafjárstaða félagsins „þrengdist hratt“ á fjórðungnum.
Staða B-deildar LSR „sannarlega ekki góð“ og ríkið ætti að auka innágreiðslur
Staðan í B-deild Lífeyrissjóðs starfsmanna ríkisins er „sannarlega ekki góð“ og það væri skynsamlegt fyrir stjórnvöld að auka árlegar greiðslur inn á skuldbindinguna þannig að höggið á ríkissjóð verði ekki enn meira þegar fram í sækir, að sögn tryggingastærðfræðings og fyrrverandi fjármálaráðherra. Að óbreyttu gætu eignir B-deildar tæmst eftir fimm ár og í kjölfarið myndi árleg greiðslubyrði ríkissjóðs nema um sjötíu milljörðum.
„Frelsisaðgerð“ Trumps mun ekki skila árangri við að opna Hormússundið
Trump hefur reynt loftárásir, hafnbann og nú síðast óljósar fylgdaraðgerðir til að opna fyrir skipaumferð – en Íran ræður eftir sem áður enn ferðinni á Hormuz-sundi. Aðeins diplómatískar leiðir geta leitt til raunverulegrar lausnar á þessari krísu.
Verne og Nscale ljúka fyrsta áfanga uppbyggingar gervigreindarinnviða
Verne Global og tæknirisinn Nscale hafa lokið við fyrsta áfanga uppbyggingar gervigreindarinnviða á gagnaverssvæði Verne hér á landi. Félögin gerðu með sér samkomulag síðasta haust sem var sagt vera tugmilljarða virði.
Yfirstjórn fiskveiða færi til ESB
Ísland nýtur aðgangs að innri markaði Evrópu í gegnum EES samninginn án þess að sameiginlega fiskveiðistefnan taki gildi hér á landi. Ágreiningurinn snýst ekki um samstarf við Evrópuríkin heldur um hvar endanlegt ákvörðunarvald yfir íslenskum sjávarauðlindum eigi að liggja.
Bandarískar eignir verða áfram undirvigtaðar hjá LSR vegna pólitískrar áhættu
Yfirlýsingar og „óútreiknanlegar ákvarðanir“ ráðamanna vestanhafs hefur valdið því að pólitísk áhætta á fjármálamörkuðum hefur aukist, meðal annars í Bandaríkjunum þar sem fleiri blikur eru á lofti, og vegna þessa eru bandarískar verðbréfaeignir nokkuð undirvigtaðar í eignasafni LSR. Stjórnarformaður sjóðsins segir að á því verði ekki breyting í bráð.
Methagnaður hjá BBA//Fjeldco þegar tekjurnar rufu tveggja milljarða múrinn
Lögmannsstofan BBA//Fjeldco, sem var meðal annars ráðgjafi við sölu ríkisins á eftirstandandi hlut sínum í Íslandsbanka í einu stærsta útboði Íslandssögunnar, skilaði sinni bestu afkomu frá upphafi í fyrra þegar tekjur félagsins jukust um liðlega fjórðung milli ára. Stjórnendur BBA//Fjeldco segja útlit fyrir enn meiri vöxt á þessu ári.
Verðmetið á yfir tíu milljarða þegar fjárfestar keyptu helmingshlut í Algalíf
Þegar hópur innlendra fjárfesta, leiddur af framtakssjóðnum Aldir ásamt meðal annars viðskiptafélögunum Andra og Birgi Má, festi kaup á stórum hlut í Algalíf á Reykjanesi á haustmánuðum síðasta árs þá var hlutafé líftæknifyrirtækisins verðmetið á meira en tíu milljarða í viðskiptunum.
Telja „tímaspursmál“ hvenær Icelandair fer í frekari niðurskurð á flugframboði
Óveðurskýin í rekstrarumhverfi flugfélaga hrannast upp núna þegar verð á þotueldsneyti hefur meira en tvöfaldast frá því að stríðsátökin brutust út við Persaflóa í lok febrúar og að óbreyttu er útlit fyrir, að mati sumra greinenda, að Icelandair þurfi að grípa til sömu aðgerða og aðrir keppinautar með því að skerða enn meira framboð flugsæta til Keflavíkur. Það mun „óhjákvæmilega“ setja mark sitt á innlenda ferðaþjónustu.
Erlendir fjárfestar tekið stöðu með krónunni í auknum mæli síðustu misseri
Á síðustu misserum hefur mátt merkja að erlendir fjárfestingarsjóðir séu í vaxandi mæli að „taka stöðu með krónunni“ þegar litið er til mótaðilasamsetningar á framvirkri stöðu viðskiptabankanna. Hár vaxtamunur við útlönd getur skapað hvata fyrir fjárfesta að kaupa krónueignir með stuttan líftíma þótt reglur Seðlabankans girði fyrir óhóflega stöðutöku.
„Feikna góð“ niðurstaða og rekstrarhagnaður Krónunnar jókst um fjórðung
Afkoma Festi á fyrsta fjórðungi ársins var í meginatriðum í takt við væntingar greinenda þar sem „feikna góð niðurstaða“ í rekstrarhagnaði Krónunnar og Elko náði að vega upp á móti samdrætti í eldsneytissölu. Horfur í rekstri eru sagðar ágætar þrátt fyrir mikla óvissu í efnahags- og alþjóðamálum.
Verðbólguþróunin í rétta átt og ætti að slá út af borðinu stóra vaxtahækkun
Verðbólgumælingin í apríl reyndist vera í lægri kantinum miðað við meðalspá sex greinenda og ólíkt þróun síðustu mánaða voru verðhækkanir ekki á breiðum grunni, en undirliðir á borð við mat, drykk, fatnað og húsgögn stóðu nánast í stað. Skuldabréfafjárfestar brugðust vel við verðbólgutölunum sem ættu að slá út af borðinu vangaveltur um að Seðlabankinn hækki vextina um 50 punkta á næsta fundi.
Afkoman yfir væntingum en horfur „ekki góðar“ vegna hærri eldsneytiskostnaðar
Afkoma Icelandair á fyrsta fjórðungi var nokkuð yfir væntingum greinenda, meðal annars vegna eignasölu og lægri eldsneytiskostnaður en óttast var, og batamerki er að sjá í rekstri félagsins. Áframhaldandi hátt raungengi og vaxandi kostnaður vegna olíuverðshækkana setur hins vegar mark sitt á horfurnar inn í árið og útlit er fyrir lakari afkomu á öðrum fjórðungi en á sama tíma í fyrra þótt einingatekjur muni enn aukast.
Má búast við „gífurlegri“ eftirspurn erlendra aðila að komast í kvóta hér á landi
Eftirspurn meðal erlendra félaga í að komast yfir aflaheimildir sjávarútvegsfyrirtækja verður „gífurleg“ ef Ísland gengur í Evrópusambandið, að mati sérfræðinga Arctica Finance, en þar er mikill meðbyr í átt að frekari samþjöppun í greininni. Hlutabréfaverð sjávarútvegsfélaga í Kauphöllinni rauk upp eftir greiningu verðbréfafyrirtækisins en þar var bent á að fjárhagslegt virði kvóta þeirra ætti sennilega eftir að „aukast verulega“ við inngöngu í ESB.
Guðjón leiðir hóp fjárfesta sem kaupa allt hlutafé í Svens
Breiður hópur einkafjárfesta, leiddur af Guðjóni Kjartanssyni, hefur nýlega gengið frá samkomulagi um kaup á öllu hlutafé í Svens, stærstu nikótínpúðaverslun landsins. Félagið hefur vaxið ört á undanförnum árum og skilaði nærri 400 milljóna rekstrarhagnaði í fyrra.
Fjárfestar halda áfram að minnka stöðu sína í hlutabréfasjóðum
Fjárfestar héldu áfram að selja sig út úr hlutabréfasjóðum í nokkuð stórum stíl í liðnum mánuði á sama tíma og markaðir lækkuðu skarpt eftir stríðsátökin við Persaflóa. Eignir innlendra hlutabréfasjóða hafa ekki verið minni að umfangi frá því á haustmánuðum ársins 2024.
Verðmat Síldarvinnslunnar hækkar verulega og væntingar um metár í tekjum
Horfur í sjávarútvegi á þessu ári eru „mjög góðar“, sem litast meðal annars af væntingum um áframhaldandi hátt afurðaverð samhliða sterkri eftirspurn, og hafa greindur því hækkað verðmat sitt á Síldarvinnslunni um nærri fimmtung. Hagfelld ytri skilyrði og ágætis loðnuvertíð gæti orðið til þess að 2026 verði metár í tekjum sjávarútvegsfyrirtækja en rekstrarhagnaðarhlutföll eru samt líkleg til að lækka vegna hærri veiðigjalda.
Reglusett leið Evrópu að efnahagslegri undirokun gagnvart Bandaríkjunum
Hér er óþægilegur sannleikur fyrir stjórnmálamenn í París, Berlín og víðar: Það er að miklu leyti Evrópu sjálfri um að kenna hversu háð hún er Ameríku hf. Áratuga ofregluvæðing hagkerfisins hefur dregið úr samkeppnishæfni og gert fyrirtæki ófær um að keppa við þau bandarísku, sem þegnarnir bjóða svo velkomin.
Stækkar stöðuna í Íslandsbanka með kaupum fyrir nærri tvo milljarða
Lífeyrissjóður verslunarmanna hefur á undanförnum vikum verið umsvifamesti fjárfestirinn á kaupendahliðinni í Íslandsbanka en hlutabréfaverð félagsins hefur hækkað nokkuð skarpt samhliða endurkaupum og væntingum um mikinn afkomubata þegar uppgjör fyrsta fjórðungs verður birt.
Heimilin óttast viðvarandi háa verðbólgu og flykkjast í fasta óverðtryggða vexti
Á allra síðustu mánuðum hafa orðið talsvert umskipti á lánamarkaði en samhliða því að væntingar í efnahagslífinu hafa breyst til hins verra, með auknum líkum á þrálátri verðbólgu og háum stýrivöxtum, hafa heimilin brugðist við með því að færa sig yfir í óverðtryggð lán á föstum vöxtum. Hrein ný lántaka heimila á slíku lánaformi hefur aldrei mælst meiri en í liðnum mánuði.
