Erlent
Keyrði fullur niður Spænsku tröppurnar
Ungur maður var handtekinn í Róm fyrir að keyra niður Spænsku tröppurnar. Tröppurnar eru á meðal vinsælustu staða í Róm fyrir ferðamenn að skoða, og þar er meðal annars bannað að drekka og syngja.
Líkur á betra boði frá Barclays í ABN Amro
Breski bankinn Barclays er sagður ætla að leggja inn nýtt og bætt yfirtökutilboð í hollenska bankann ABN Amro. Til stóð að greiða fyrir yfirtökuna með hlutabréfum í Barclays en nú lítur út fyrir að hluti kaupverðsins verði greiddur með reiðufé.
Smásala jókst umfram væntingar
Velta í smásöluverslun jókst um 1,4 prósent í Bandaríkjunum á milli mánaða í maí, samkvæmt tölum viðskiptaráðuneytis Bandaríkjanna, sem birtar voru í dag. Vöxturinn hefur ekki verið jafn mikil síðan í janúar í fyrra.
FBI býður hjálp fyrir Ólympíuleikana í Peking
Alríkislögregla Bandaríkjana, FBI, hefur boðið Kínverjum hjálp við öryggismál í kringum ólympíuleikana sem fram fara í Peking á næsta ári. Búist er við hundruðum þúsunda manna sem ferðast til Kína til að fylgjast með leikunum.
SAS selur í flugfélögum
Skandinavíska flugfélagið SAS greindi frá því í dag að það ætli að selja eignahluti sína í þremur flugfélögum í hagræðingarskyni. Hlutirnir eru í Spanair, bmi og Air Greenland. Jafnframt kynnti félagið aðrar hagræðingartillögur sem eiga að spara flugfélaginu 2,8 milljónir sænskra króna, jafnvirði rúmra 25 milljarða íslenskra króna.
Fékk hjartaáfall eftir fæðingu sexbura
Móðir sexbura sem fæddust á mánudag í Arisona í Bandaríkjunum fékk hjartaáfall eftir fæðinguna en er nú á batavegi. Sexburarnir voru teknir með keisaraskurði tíu vikum fyrir tímann og vógu frá tæpum fjórum mörkum til rúmlega fimm marka. Fimm þeirra fá hjálp við öndun en allir eru í hitakassa, þar sem þeir eru ekki enn úr hættu.
Afkoma Zöru umfram væntingar
Spænska félagið Inditex, móðurfélag fatakeðjunnar Zara skilaði hagnaði upp á rúmar 200 milljónir evra, jafnvirði 17 milljarða íslenskra króna, á síðasta rekstrarfjórðungi, sem náði frá febrúar til apríl. Þetta er meiri hagnaður en markaðsaðilar gerðu ráð fyrir.
Sakar stuðningsmenn Saddams um árásina
Forsætisráðherra Íraks, Nuri al-Maliki, sagði í dag að stuðningsmenn Saddams Hússeins og al-Kaída hefðu staðið á bak við sprengjuárásina á al-Askariya moskuna í Samarra í morgun. Þetta kom fram í sjónvarpsviðtali við hann í morgun. Þá sagðist hann óttast að hryðjuverkamennirnir ætluðu sér að ráðast gegn öðrum moskum í Bagdad og því hefði hann aukið öryggisráðstafanir við þær.
Evrópusambandið herðir lög um skráningu glæpamanna
Í dag var samþykkt að aðildaríki Evrópusambandsins myndu framvegis deila upplýsingum um dæmda glæpamenn innan sambandsins. Einnig var samþykkt að lönd innan sambandsins séu nú skyldug til að svara beiðni um sakaskrá einstaklinga innan tíu virkra daga frá beiðni.
Shimon Peres verður forseti Ísraels
Shimon Peres verður næsti forseti Ísraels. Tveir aðrir frambjóðendur til embættisins drógu sig í hlé í dag. Það er ísraelska þingið sem velur forseta landsins. Shimon Peres er 84 ára gamall og á að baki langan feril í ísraelskum stjórnmálum. Hann hefur meðal annars verið forsætisráðherra, utanríkisráðherra og varnarmálaráðherra.
Viðurkenndu barnaþrælkun
Kínverskt fyrirtæki játaði í dag að hafa börn í vinnu hjá sér en fyrirtækið framleiðir vörur fyrir Ólympíuleikana á næsta ári. Í upphafi neituðu talsmenn fyrirtækisins ásökunum harkalega.
Kennari dæmdur til dauða fyrir að nauðga nemendum
Dómstóll í Kína hefur dæmt kennara til dauða fyrir að nauðga 18 skólabörnum á aldrinum 9 og 10 ára. Fréttastofan Xinuha greinir frá því að maðurinn, sem heitir Cheng Laifu, sé fundinn sekur um að hafa nauðgað börnunum á árunum 2001-2005.
Ekki nægar sannanir fyrir leynifangelsum
Orð ónafngreindra heimildarmanna duga ekki til þess að sanna að bandaríska leyniþjónustan, CIA hafi rekið leynifangelsi í Póllandi og Rúmeníu, að mati yfirmanns öryggismála hjá Evrópusambandinu. Franco Frattini segist þó munu leita frekari upplýsinga frá löndunum tveim.
Lækkanir á helstu fjármálamörkuðum
Lækkanir voru á helstu hlutabréfamörkuðum í dag eftir að ávöxtunarkrafa bandarískra skuldabréfa til 10 ára hækkaði um 5,27 prósent í gær. Það merkir að verðmæti skuldabréfa lækkar og hefur það ekki verið með lægra móti í fimm ár. Fjárfestar ytra eru sagðir uggandi vegna hækkandi lánskostnaðar.
Réðust að manni með sverðfiski
Lögreglan í Ástralíu leitar nú tveggja árásarmanna sem réðust að manni á heimili hans og skáru hann með sverðfiski. Maðurinn hlaut skurði á höndum og baki.
Friðarráðstefnu í Sómalíu frestað
Skipuleggjendur friðarráðstefnu í Sómalíu hafa frestað henni um einn mánuð. Enn er tekist á í Sómalíu og sagt var að ófyrirsjáanlegir atburðir hefðu leitt til þessar ákvörðunar.
Ahmadinejad segir ekkert stöðva Íran
Forseti Írans, Mahmoud Ahmadinejad, sagði í morgun að hann hefði ekki áhyggjur af frekari samþykktum Sameinuðu þjóðanna varðandi kjarnorkuáætlun landsins og að hann myndi ekki leyfa Vesturlöndum að koma í veg fyrir vísindaframfarir.
Ráðist á mosku í Írak
Tveir bænaturnar á einni helgustu mosku sjía múslíma, al-Askari moskunni, í Írak eru nú laskaðir eftir sprengingar í morgun. Ráðist var á moskuna árið 2006 og var sú árás kveikjan að baráttu sjía og súnní múslima. Þúsundir hafa látið lífið í þeim átökum. Talið er að þetta geti enn aukið á átök trúarhópa í Írak.
Tvær milljónir í verkfall í Suður-Afríku í dag
Búist er við því að þúsundir opinberra starfsmanna muni taka höndum saman í Suður-Afríku í dag og fara í allsherjarverkfall. Verkalýðsfélög þar í landi hafa boðað verkfallið vegna óánægju með launatilboð ríkisins.
Fatah hættir stjórnmálasamstarfi við Hamas
Fatah hreyfingin tilkynnti í nótt að hún muni hætta þátttöku í ríkisstjórnarfundum þangað til að vopnahlé hefur komist á á Gaza svæðinu. Mikil átök hafa verið á milli Fatah og Hamas síðan á mánudaginn en 34 hafa látið lífið í átökunum.
Stjórnvöld í Súdan samþykkja sameiginlegt friðargæslulið
Stjórnvöld í Súdan hafa samþykkt að sameiginlegt friðargæslulið Sameinuðu þjóðanna og Afríkusambandsins fái að starfa í Darfúr.
Forsprakki Balí-hópsins handtekinn
Lögreglan í Indónesíu skýrði frá því í morgun að hún hafi handtekið leiðtoga öfgahópsins sem er talinn hafa verið á bakvið sprengjutilræðin á Balí árið 2002. Maðurinn, sem heitir Abu Dujana, er yfir öfgahópnum Jeemah Islamiah sem er talinn ábyrgur fyrir mun fleiri árásum í Indónesíu.
130 ára sléttbakur
Fimmtíu tonna sléttbakur sem veiddur var við strendur Alaska í síðasta mánuði er talinn hafa verið allt að 130 ára gamall. Rannsóknir benda til að byssukúla sem fannst í holdi hans sé 100 ára gömul.
Barak nýr leiðtogi verkamannaflokksins
Ehud Barak, fyrrum forsætisráðherra Ísraels, vann í gærkvöldi sigur í leiðtogakosningum Verkamannaflokksins í Ísrael. Barak hefur sagt að hann vilji að Ehud Olmert, forsætisráðherra Ísraels, segi af sér vegna stjórn hans á stríðinu í Líbanon síðasta sumar.
Til bjargar reykingafólki
Breski bjórframleiðandinn Fuller, Smith & Turner, sem rekur um 200 bari og sex hótel í Bretlandi, ætlar að verja sem nemur hálfum milljarði íslenskra króna til að bæta aðstöðu fyrir reykingafólk fyrir utan krár sínar og knæpur. Reykingabann tekur gildi 1. júlí næstkomandi í Bretlandi og verður þá öllum reykingamönnum úthýst af börum landsins.
Forstjórinn fékk væna launahækkun
Stuart Rose, forstjóri bresku verslanakeðjunnar Marks & Spencer, ætti að hafa tilefni til að brosa þessa dagana. Rose fékk 7,8 milljónir punda í laun og bónusgreiðslur í fyrra. Þetta jafngildir rúmum 990 milljónum íslenskra króna, sem er 68 prósenta launahækkun á milli ára.
Tesco býður í Dobbies
Breski stórmarkaðurinn Tesco ætlar sér stóra hluti með kaupum á garðvörukeðju. Kaupin vekja reiði í Bretlandi.
Hugo Chavez heimsækir Fidel Castro
Hugo Chavez, forseti Venesúela, er nú í óvæntri heimsókn í Kúbu. Hann er þar að heimsækja forseta Kúbu, Fidel Castro. Þetta er í sjötta skiptið sem að Chavez heimsækir Castro síðan sá síðarnefndi fór í aðgerð í júlí.
Dómari vill fá 54 milljónir dala fyrir týndar buxur
Dómari frá Washington, höfuðborg Bandaríkjanna, hefur kært fatahreinsun sem hann segir hafa brotið gegn neytendalögum þegar hreinsunin týndi buxunum hans. Dómarinn fer fram á 54 milljónir dala fyrir buxurnar.
Genarlow Wilson enn í fangelsi
Einum og hálfum tíma eftir að dómari hafði úrskurðað að hinum 21 árs gamla Genarlow Wilson yrði sleppt úr fangelsi var honum tilkynnt að hann væri ekki að fara neitt. Saksóknari hafði áfrýjað málinu.
