Sjóður kaupir yfir 100 fasteignir í miðbæ Reykjavíkur

Fjárfestingasjóður á vegum GAMMA hefur á undanförnum mánuðum keypt yfir 100 íbúðir miðsvæðis í Reykjavík fyrir um fjóra milljarða króna. Sjóðurinn er fyrir fagfjárfesta en veðjað er á að fasteignaverðið muni hækka töluvert á þessu svæði á næstu árum.

Eftir miklar verðlækkanir og erfiðleika á fasteignamarkaði samhliða hruni fjármálakerfisins og krónunnar, hefur fasteignaverð verið að hækka nokkuð að undanförnu, eða frá því í byrjun síðasta árs. Flestar spár benda til þess að verðið muni halda áfram að hækka á næstunni.

Þar vegur þyngst að ekkert hefur verið byggt frá hruni, eftirspurn hjá ungu fólki eftir húsnæði hefur á sama tíma aukist, samhliða fólksfjölgun, og af þeim sökum virðist borðleggjandi, eins og það var orðað í efnahagskynningu GAM Management (GAMMA) í september síðastliðnum, að fasteignaverðið hækki.

Fagfjárfestasjóður á vegum GAMMA, íslensks rekstrarfélags verðbréfasjóða, hefur á undanförnum vikum og mánuðum keypt ríflega 100 íbúðareignir miðsvæðis í Reykjavík, einkum í póstunúmerunum 107, 101 og 105. Heildarstærð sjóðsins er um fjórir milljarðar króna, og er hann einungis fyrir fagfjárfesta, þar á meðal tryggingarfélög, og lífeyrissjóði.

Í fyrstu eru íbúðirnar í útleigu en með tímanum verður síðan mögulegt að selja þær fyrir hagstætt verð, í takt við hagfellda fasteignaverðsþróun á þeim svæðum þar sem eignir sjóðsins eru staðsetta