Þórarinn Ævarsson - Gerðu fólk ástfangið af þér

Þórarinn Ævarsson er bakari sem uppgötvaði þegar hann var farinn að vinna hjá Dominos að hann hafði nef fyrir viðskiptum. Á þeim tíma tileinkaði Þórarinn sér lífsspeki sína sem er að selja mikið með lágri framlegð. Af þeim sökum hefur Þórarinn aldrei viljað tala um markhópa heldur vill hann eiga viðskipti við alla. Frá Dominos lá leið Þórarins til IKEA þar sem hann var í 15 ár. Sömu viðskiptalögmál áttu við þar og hjá Dominos að selja mörgum með lágri framlegð. Þórarinn hætti hjá IKEA og stofnaði Spaðann. Hann segir pizzuna hafa fylgt sér allar götur frá Dominos og verið í lykilhlutverki í lífi hans. Enda veki pizzann upp allt önnur hughrif en annar skyndibiti. Ameríska pizzan sé stærri og matarmeiri og því geti fleiri en einn deilt hverri pizzu ólíkt þeirri ítölsku. Pizzan getur endalaust endurnýjað sig. Þegar Þórarinn var að byrja voru sveppir vinsælir en sjáist varla í dag og í dag séu döðlur t.d komnar inn. Hann segist því eiga pizzunni mikið að þakka og hjá IKEA hafir pizzudeig verið söluhæsta varan. Hugmyndin af Spaðanum kom þegar hann sá færslu frá Gunnari Smára leiðtoga Sósíalista þar sem hann ætlaði að gefa dóttur sinni 2000 kr. fyrir pizzu sem hún sagði engan veginn duga. Hann hafi því byrjað að reikna hvort hægt væri að bjóða upp á pizzur og sá að það væri auðveldlega hægt að bjóða uppá pizzur með 1.000 kr. afslætti. Þórarinn segir Íslendinga mega veri betri neytendur og við eigum að varast tilboð sem oft séu bara sýndarmennska og gervi afslættir. Hann segist hús fjölskyldunar í Kópavogi sem hann keypti fyrir mörgum árum vera bestu ákvörðun sína í fjármálum. Hann segist stefna að fjárhagslegu sjálfstæði hann þekki mikið af efnuðu fólki sem sé ekkert sérstaklega hamingjusamt. Hann segist vel muna eftir því þegar hann fékk loksins tekjur sem voru hærri en eyðsla og hversu góð tilfinning það hefði verið. Hann segist vera bíladellukall og hafi oft gert slæm viðskipti með bíla. Keypt furðulega bíla sem erfitt hafi verið að selja. Umsjón: Gunnar Dofri Ólafsson Þessi þáttur er framleiddur af umboðsmanni skuldara með stuðningi frá félagsmálaráðuneytinu.