Keyra upp gleðina
Um það bil annar hver maður sem Stóru málin hittu á Húsavík – höfuðstað Norðurþings – reyndist frambjóðandi á einum af þeim fjóru listum sem þar bjóða fram fyrir sveitarstjórnarkosningarnar í vor. Sátt virtist ríkja um áform um kísilver á Bakka – en sumir vildu að menn hættu að bíða og færu að sýna frumkvæði í því að skapa störf á staðnum. Einum frambjóðendanna fannst mikilvægast að keyra upp gleðina í sveitarfélaginu eftir ládeyðu undanfarið.
